少爺泰 (已結業)

我家话事人ss最好钟意食泰菜，今晚search 吓有乜好食之际，揾到呢间应该开咗无耐嘅泰国菜！唔系太熟沙田围呢区，但出马铁站行5分钟就到都算方便。因为食咗tea，唔算太饿，点咗D小食一客三粒的流心芝士虾波波，炸得几香脆，虾丸部分亦好弹牙，但如果可以，芝士心部分多D，流心效果先会好，宜家味道可以嘅。泰菠鸡鲜果沙律，大半个新鲜菠萝螺旋形切出已经好考功夫，上面嘅鸡肉咸咸辣辣，配埋菠萝同其他生果粒嘅酸，好开胃！街头泰式生菜包，生菜新鲜卜卜脆，但辣度就真系争D，系清淡版⋯饮品方面，我见有杯叫驱魔师沙冰个样几特别，平时蓝色野饮多数系薄荷野，但呢杯系荔枝加蓝柑，酸酸哋，几fresh,有少少惊喜咁啦！