山一 (已結業)

话说早几日同朋友试完lunch, 觉得食物唔错，环境都几好坐，于是乎今日又再次帮衬，想试吓佢做紧半价嘅期间限定「山一和风盛合」。呢个盛合都几多嘢食，有鳗鱼玉子芝士卷、三文鱼刺身、八爪鱼、甘栗紫薯饼、豚肉生姜烧丼、和风野菜沙律同绿茶麻薯。呢个餐原价$218，做紧优惠，半价之后$109。另外叫咗一个吉列黑豚汤稻庭乌冬定食。盛合入边嘅食物质素都唔错，豚肉生姜烧丼比正常分量少啲，不过都可以理解，因为个套餐都好多嘢食，唔会唔够饱。吉列黑豚乌冬就同上次食嘅一样，黑豚肉炸得好香脆，乌冬好滑，值得推介。总括嚟讲，环境几好，食物质素唔错，会继续帮衬。张单仲可以凭票尾下次当$20用，都算有少少优惠。