Non Kitchen

营业中

休息中

夹唔中收工都会约朋友嚟呢间餐厅度食饭，睇IG意外发现原来已经开左五年，仲有庆祝五周年既$1海鲜既推广，当然趁机嚟食下大餐。白酒煮蚬$1就可以试到原价$128既辣茄汁煮青口或者白酒煮蚬，抵食到不得了！个汁调得好浓郁，连埋蚬肉一齐食，真系鲜味十足。前菜饼干条几香脆。特别钟意呢个自家制面包，咬落松软，涂少少黑松露牛油，令味道更加有层次。南瓜汤南瓜汤味道微甜香浓，份量适中。凯撒沙律将沙律同酱汁预先捞匀再上碟，考虑埋呢点，都几细心。黑松露野菌意式烩饭香菇切得好够细粒，几钟意意大利饭既口感偏腍，拌埋香浓既黑松露酱汁，整得好出色。日本鹿儿岛黑豚肉扒炭烧既黑豚肉扒外面呈深色一格格网状，炭烧既香味伴随啖啖豚肉，口感偏扎实。而焗薯细细个咁，入口好软绵。白朱古力泡芙外面系白朱古力，切开中间系朱古力雪糕，雪糕质地偏硬，一齐食味道甜而不腻，系一道会令人好满足既甜品。