漁屋日本料理 (已結業)

就算比人话我系港女，我都坚持我系一个好中意系日本菜既人。就算唔系刺身都好，日式食物都系我既首选。好似枝豆咁，作为饭前小食真系非常合适。虽然第一次食时觉得怪怪地，不过食食下你就好似上左瘾咁，食到停唔到。同朋友一边聊天，一边食就最好啱！刺身我就食左几款咋，我自己就最钟意食帆立贝，清甜爽口！除左有平时既甜虾外，佢地仲有超大只既牡丹虾！！真系超级巨型，仲好新鲜添！不过刺身上到黎真系快吃为妙，因为摊耐左，D冰开始溶化，都惊会好快变坏！食左炸蚝同炸鸡翼，虽然呢两款好热气，又容易生痱滋，不过我对炸物真系忍唔到口。炸蚝唔算好大只，但揭开炸粉之后既生蚝够晒多汁，够晒鲜味。而炸鸡翼都算几大只架！食完呢餐放题真系好满足呀！