影片
更多
2024-05-18
308 浏览
比钱买难受OpenRice买咗优惠券$198一位，包烧烤&火锅&刺身（额外加$50一位服务费），价钱算平。星期六晚同朋友8点左右去食，唔使等位。入到去坐低之后全部嘢自助，包括火锅个炉（类似一人锅size）都系要自己出去装汤同拎埋𠮶煲翻座位🥹 坐低之后即刻出去攞刺身，原来要带埋张贴纸去门口类似刺身部𠮶个位，每人每次只可以攞三款刺身，每款两三件左右， total得个八九款😂最好笑系我攞完三件三文鱼带子之后坐低食完，想出去再攞已经冇晒。。。𠮶阵先系八点几。同佢讲甜虾佢俾咗虎虾，个样仲要劲唔新鲜，我问个职员尼款系甜虾？个职员就话呢个已经系甜虾㗎啦😂三文鱼同带子一般般，其他好难食。烧烤方面，全部肉都好难食，一咬落去就知唔新鲜，好多更加咬唔开，得鸡翼算系正常。出面自助可以攞嘅嘢食种类好少，酱料例如葱花芫荽同生果我一入去已经俾人攞晒，仲要成晚系冇refill嘅🥱甜品方面都系得好普通嘅啫喱布丁同雪糕，我地九点几已经离场。两个人都成$500，但我觉得食物质素完全唔值呢个价。离开咗间铺10分钟左右朋友即刻冲咗去千色店厕所肚泻🙂唔会再帮衬！
OpenRice买咗优惠券$198一位，包烧烤&火锅&刺身（额外加$50一位服务费），价钱算平。
星期六晚同朋友8点左右去食，唔使等位。入到去坐低之后全部嘢自助，包括火锅个炉（类似一人锅size）都系要自己出去装汤同拎埋𠮶煲翻座位🥹
坐低之后即刻出去攞刺身，原来要带埋张贴纸去门口类似刺身部𠮶个位，每人每次只可以攞三款刺身，每款两三件左右， total得个八九款😂最好笑系我攞完三件三文鱼带子之后坐低食完，想出去再攞已经冇晒。。。𠮶阵先系八点几。同佢讲甜虾佢俾咗虎虾，个样仲要劲唔新鲜，我问个职员尼款系甜虾？个职员就话呢个已经系甜虾㗎啦😂三文鱼同带子一般般，其他好难食。
烧烤方面，全部肉都好难食，一咬落去就知唔新鲜，好多更加咬唔开，得鸡翼算系正常。
出面自助可以攞嘅嘢食种类好少，酱料例如葱花芫荽同生果我一入去已经俾人攞晒，仲要成晚系冇refill嘅🥱
甜品方面都系得好普通嘅啫喱布丁同雪糕，我地九点几已经离场。
两个人都成$500，但我觉得食物质素完全唔值呢个价。离开咗间铺10分钟左右朋友即刻冲咗去千色店厕所肚泻🙂唔会再帮衬！
张贴