影片
更多
2015-10-17
1089 浏览
年年我都系 order 尖沙咀江记，自从几年前同事介绍后一直无变，我一向都最专一架啦，当然大闸蟹水准、价钱、服务都要令我满意。成班老友齐齐食，叫左四十几只 6 两大闸蟹，$100 蚊只送埋陈醋、紫苏叶、老姜、红糖，仲有港九新界速递服务，抵砌！前日订蟹，琴日五点未够已送到黎大埔喇，我要左 5 男 5 女攞返屋企，不过阿爸阿妈都唔多好大闸蟹，怕胆固醇超标。我自己消灭左两只公，两只乸留返今晚同朋友们一齐开餐，其余都留返晒系屋企。大闸蟹乸 6 两，加紫苏叶水滚蒸 15 分钟刚刚好。闹钟响！新鲜出炉，正到痺，劲香浓蟹香呀！香喷喷，口水直溜，我已经预备好起动喇！刚蒸起热到辣手攞唔起呢，唯有摊佢一阵先，好心急！琴晚食完两条仔，爆膏黏口好味到晕，蟹肉劲鲜更甜更多肉汁，唔知今晚依两条女咩质数呢？大闸蟹乸 6 两，今餐由史老板操刀蒸起，时间刚刚好无长又无短，保持大闸蟹系最美味既状态。开呀！打开个盖，澎湃既蟹膏令人为之一振！爆膏满泻一手黄油，好想即刻塞晒入口呢。出尽力抑压贪吃既情绪，去脚去钳去肺，最后去埋心脏，搣开两边，一切准备就绪喇。肚圆既蟹乸较蟹公细只少少，不过蟹膏跟公一样甘甜美味，香浓无比。乸膏较结实
年年我都系 order 尖沙咀江记，自从几年前同事介绍后一直无变，我一向都最专一架啦，当然大闸蟹水准、价钱、服务都要令我满意。成班老友齐齐食，叫左四十几只 6 两大闸蟹，$100 蚊只送埋陈醋、紫苏叶、老姜、红糖，仲有港九新界速递服务，抵砌！
前日订蟹，琴日五点未够已送到黎大埔喇，我要左 5 男 5 女攞返屋企，不过阿爸阿妈都唔多好大闸蟹，怕胆固醇超标。我自己消灭左两只公，两只乸留返今晚同朋友们一齐开餐，其余都留返晒系屋企。
大闸蟹乸 6 两，加紫苏叶水滚蒸 15 分钟刚刚好。闹钟响！新鲜出炉，正到痺，劲香浓蟹香呀！香喷喷，口水直溜，我已经预备好起动喇！刚蒸起热到辣手攞唔起呢，唯有摊佢一阵先，好心急！琴晚食完两条仔，爆膏黏口好味到晕，蟹肉劲鲜更甜更多肉汁，唔知今晚依两条女咩质数呢？
大闸蟹乸 6 两，今餐由史老板操刀蒸起，时间刚刚好无长又无短，保持大闸蟹系最美味既状态。开呀！打开个盖，澎湃既蟹膏令人为之一振！爆膏满泻一手黄油，好想即刻塞晒入口呢。出尽力抑压贪吃既情绪，去脚去钳去肺，最后去埋心脏，搣开两边，一切准备就绪喇。
肚圆既蟹乸较蟹公细只少少，不过蟹膏跟公一样甘甜美味，香浓无比。乸膏较结实而有咬口，比公膏味道更浓，余香一直缠绕著所有味蕾及齿隙之间，好食到忘我境界，身边发生任何事都唔理喇，食左先讲！蟹肉非常鲜甜，跟本无需要任何调味或点醋，食原味已经无得顶喇！
食一只点够喉，无可能止到毒瘾！一不离二，即时执多剂，整多条女先！依转由伊蛙姐姐出手蒸，但居然唔较闹钟，我都奇怪点解等左半个钟都未得，原来唔记得左，蒸多左成 15 分钟呀。好采香气、味道、蟹膏、肉汁都跟刚才唔系差太远啫，蒸耐左过熟，蟹水蟹膏流失多左一点点啰。好好味啊！我仲想添食，但已经食晒喇，唯有吊住瘾先啦。
张贴
