MOS Burger

营业中

休息中

留意这款菜摘烧肉堡一段日子， 听说都几受欢迎 。今天病了想清淡些终于可以一试。菜摘烧肉堡$37包面和底换咗做珊瑚菜，加埋五颜六色嘅野菜看起来像花束， 视觉效果几好，食材唔会叠到东歪西斜，算是近期Mos颜值之作。味道方面是清新得过份， 只用酱油调味嘅关系味道颇淡，板腱牛肉片欠肉味和口感，夹了一块饭团喺中间作为碳水， 其实食这款包的都是野菜同好或减肥人士， 彻底啲搞个全素包相信会更加好， 这包唔系人人喜欢但相信会几受欢迎。同场加映Waku Waku 薯条， 加两元就可以试下MOS版嘅 shake shake薯条， 木鱼粉加紫菜碎加味精的组合，味道感觉都几和风， 味粉比M记多一份诚意吧！至于饮品一向最爱冻抹茶牛奶，依然维持水准。