辣媽酸菜魚麵 (元朗安寧路)

营业中

休息中

根據推介， 點左一個養生老雞雜菌麵。 我必須要話， 碗麵都真心係大碗， 每一啖湯都有藥材嘅味道， 見到蟲草花舖面， 飲完湯可以暖身。 麵質都係特別而且唔錯， 唔係一般食酸辣麵嘅嗰種米線，來得滑身一啲， 但食完都仲係非常頸渴， 有種食完味精嘅感覺。雖然跟餐係可以加錢嗌嘢飲， 但凍飲個樣又望落似糖水溝， 熱飲又好細杯，唔抵。手撕雞算係抵食， 都有幾多可以夾下， 最難得係鋪底啲青瓜好清新， 剛好可以平衡太過濃味嘅湯底至於蒜泥白肉， 呢一個已經係相機先食，未開動前嘅樣， 鋪面嘅醬覆蓋晒四塊肉， 覺得唔多抵食。