十六座車仔麵 (已結業)

同朋友在旺中附近唔知食咩好，偶然见到呢间小店，我同朋友都钟意食车仔面，一于入去试下啦。今次我叫左红菜头面，朋友就叫左米线。老实说，虽然面系红色，但我就唔系好食得出面有红菜头味。不过，面的质素系唔错，唔会过淋。至于车仔𩠌，就令我地觉得几惊喜，因为食物质素非常高，睇得出系认真制作的。猪红唔会’散’、鸡翼好入味。重点系咖喱鱿鱼萝卜 － 萝卜大大旧、冇渣、好甜；咖喱鱿鱼的咖喱汁好正，鱿鱼好爽。由于觉得呢间小店食物质素好，所以同朋友再叫一个小食share。拣左脆炸黄金豆腐。果然呢个小食都系相当高质，黎到嘅时候仲系热的，似系新鲜炸起。粉浆薄，外脆内软，一尐油腻感都冇。仲要每旧豆腐都切到细细粒，方便’夹’同食。虽然呢间小店的价钱比同类铺头贵些少，但佢地食物质素好，份量多、环境干净企理、店员好礼貌，所以我地会再来帮衬的！