影片
更多
2022-08-28
181 浏览
介绍返💁🏻♀️。。🇨🇳 酸辣粉 在铜锣湾 🇨🇳。伤心酸辣粉。金百利广场5楼R3室。酥香脆猪腩 套餐酥香脆猪腩 配 酸菜薯粉 及 白桃乌龙冷泡茶。HKD68午市招牌套餐夫妻肺片 配 伤心酸辣粉 。HKD57加配 小食酸辣土豆丝。HKD22加配 饮品白桃乌龙冷泡茶。HKD12单点 小食贡菜皮蛋。HKD28黄金芝士豆腐。HKD31 @ 6 pcs🤫 Happy Friday..同事仔话今次搞搞新意思..叫我一齐冲落铜锣湾食佢近排食上瘾嘅粉㖞..咁一于死跟啦🤫 一仆一碌去到铜锣湾原来同事仔想食嘅系伤心酸辣粉..(喂喂..我唔食辣个㖞..)原来酸辣粉唔系一定要食酸辣嘅..haha..真系孤陋寡闻啦..咁我今次就食佢哋新出嘅超FatFat 酥香脆猪腩配酸菜薯粉..同事仔就拣咗夫妻肺片配伤心酸辣粉BB辣..另外仲加咗三个小食Share🤫 先嚟讲吓小食..三样小食里边..我最钟意食嘅系芝士豆腐..虽然系现成嘅雪藏小食..但系佢哋都炸得相当唔错..外皮香脆入边软滑..唔会话好油腻..然后都真系有流心芝士架㖞..另外就叫咗份贡菜皮蛋..一睇都知道系靓嘢..非常流心..钟意食皮蛋嘅朋友仔就知道𠮶种好味道..
。
。
🇨🇳 酸辣粉 在铜锣湾 🇨🇳
。伤心酸辣粉
。金百利广场5楼R3室
。
酥香脆猪腩 套餐
酥香脆猪腩 配 酸菜薯粉 及 白桃乌龙冷泡茶
。HKD68
午市招牌套餐
夫妻肺片 配 伤心酸辣粉
。HKD57
加配 小食
酸辣土豆丝
。HKD22
加配 饮品
白桃乌龙冷泡茶
。HKD12
单点 小食
贡菜皮蛋
。HKD28
黄金芝士豆腐
。HKD31 @ 6 pcs
🤫 Happy Friday..同事仔话今次搞搞新意思..叫我一齐冲落铜锣湾食佢近排食上瘾嘅粉㖞..咁一于死跟啦
🤫 一仆一碌去到铜锣湾原来同事仔想食嘅系伤心酸辣粉..(喂喂..我唔食辣个㖞..)原来酸辣粉唔系一定要食酸辣嘅..haha..真系孤陋寡闻啦..咁我今次就食佢哋新出嘅超FatFat 酥香脆猪腩配酸菜薯粉..同事仔就拣咗夫妻肺片配伤心酸辣粉BB辣..另外仲加咗三个小食Share
🤫 先嚟讲吓小食..三样小食里边..我最钟意食嘅系芝士豆腐..虽然系现成嘅雪藏小食..但系佢哋都炸得相当唔错..外皮香脆入边软滑..唔会话好油腻..然后都真系有流心芝士架㖞..另外就叫咗份贡菜皮蛋..一睇都知道系靓嘢..非常流心..钟意食皮蛋嘅朋友仔就知道𠮶种好味道..然后伴碟竟然系好少见嘅贡菜..贡菜爽口绝对系冷盘嘅其中一个首选..最后一个小食系比较传统嘅川菜冷盘..酸辣土豆丝..食头两啖嘅时候我都仲觉得好好味..食多两啖就发现𠮶啲辣慢慢咁渗出嚟..同事仔话咁样先够过瘾㖞
🤫 再嚟就讲吓同事仔嘅𠮶一碗夫妻肺片酸辣粉..一啲都唔食辣嘅我一路以为夫妻肺片就系将牛肺切片煮到好辣..今次亲眼见到夫妻肺片嘅真身先知道原来佢叫做肺片但系其实唔止肺片..仲有牛肚牛肺牛舌牛展等等嘅牛嘅部份(差唔多成只牛都俾你食晒啦..)加入麻辣调味制造而成..真系大开眼界..同事仔拣咗BB辣..佢话咁样就已经非常足够..轻轻嘅麻味刺激味蕾再加上轻轻嘅辣味提鲜..食到佢舔舔脷
🤫 至于我嘅酥炸猪腩酸菜薯粉..系最后先上枱嘅..唔知系咪即炸㗎呢..上枱嘅时候热辣辣..最钟意食肥腻嘢嘅我梗系忍唔住即刻一啖放落口..块猪皮真系好酥脆啊..然后入边嘅𠮶一啲肥膏再加埋腩肉..口感惊人..异常滋味..虽然呢个套餐嘅酥炸腩肉份量唔多..有四大块..但系真系好好味..搞到我连碗酸菜薯粉都摆埋一边..真心肥腻..一路食一路个心喺度谂今次大镬啦..但系又笑笑口再夹嚿腩肉入口..同事仔笑我系咁特登咬𠮶嚿脆皮啲索索声比佢听..证明真系好酥脆
🤫 系..差啲唔记得讲我𠮶碗酸菜薯粉..因为挂住食小食同埋腩肉已经饱咗七成..薯粉其实我都系第一次食..原来佢比起濑粉更加跣手..然后质地都几烟韧..但系点解薯粉一啲薯仔味都冇嘅..我真系识条铁..至于酸菜呢..佢哋将酸菜切成粒粒..微酸易入口..如果下次再嚟食嘅话我谂我唔会再嗌粉lu..净系食𩠌都够我饱
🤫 Btw..跟餐嘅嘢饮都有好多选择..又唔知乜嘢凉粉奶茶..豆花奶茶..我哋两个都系传统人士..最后都系拣咗白桃冷泡乌龙茶..简简单单又可以去油腻..然后话咁快两个钟嘅Lunch已经去到尽头..我哋又再一次狗冲返公司
。。
翻兜指数：🙆🏻♀️🙆🏻♀️ （5个🙆🏻♀️为翻兜爆灯）
。。
张贴
