影片
更多
2022-11-12
97 浏览
介绍返💁🏻♀️。。🇭🇰 港式冰室 在 观塘 🇭🇰。柠檬冰室。冠天阁高层地下。柠檬牛油鸡中翼。HKD55 @ 5 pcs法式牛柳。HKD128一口西多伴雪糕。HKD32白雪公主云呢拿雪糕。雪碧。HKD32🤫 寻日Happy Friday..约咗个成两个月冇见过嘅朋友仔出嚟观塘行街顺便食个饭..咁话说有日搭巴士经过观塘裕民坊最笃笃𠮶边以前花园餐厅𠮶个商场..见到下边有间黄揿揿嘅餐厅好鬼耀眼..咁咪OpenRice佢睇吓咩料啰..原来呢间嘢叫做柠檬冰室..咁差唔多行完街街要谂食乜嘅时候突然之间谂起佢..所以就好即兴咁过咗去试吓啦🤫 沿路行过去..越行得埋就越觉得佢好灿眼..入到去发现原来成间嘢都真系黄揿揿㗎㖞😂..然后打开个Menu..第一个见到嘅嘢食就系柠檬牛油鸡中翼..咁一于叫佢啦..嚟到柠檬冰室唔系唔食佢啲柠檬鸡翼呀嘛🤪..鸡翼上枱嘅时候真系吓咗一吓..咩料啲鸡翼咁鬼大只..最大𠮶只差唔多有一包Tempo纸巾咁大..撞鬼佢啊..仲要有成五只咁多..我哋两条女都惊咗一惊..究竟我哋食唔食得晒..咁又咁讲..鸡翼大只成咁其实系抵玩嘅..然后佢嘅炸皮系酥脆㗎..唔系好热气𠮶种脆..又几唔错㖞
。
。
🇭🇰 港式冰室 在 观塘 🇭🇰
。柠檬冰室
。冠天阁高层地下
。
柠檬牛油鸡中翼
。HKD55 @ 5 pcs
法式牛柳
。HKD128
一口西多伴雪糕
。HKD32
白雪公主
云呢拿雪糕。雪碧
。HKD32
🤫 寻日Happy Friday..约咗个成两个月冇见过嘅朋友仔出嚟观塘行街顺便食个饭..咁话说有日搭巴士经过观塘裕民坊最笃笃𠮶边以前花园餐厅𠮶个商场..见到下边有间黄揿揿嘅餐厅好鬼耀眼..咁咪OpenRice佢睇吓咩料啰..原来呢间嘢叫做柠檬冰室..咁差唔多行完街街要谂食乜嘅时候突然之间谂起佢..所以就好即兴咁过咗去试吓啦
🤫 沿路行过去..越行得埋就越觉得佢好灿眼..入到去发现原来成间嘢都真系黄揿揿㗎㖞😂..然后打开个Menu..第一个见到嘅嘢食就系柠檬牛油鸡中翼..咁一于叫佢啦..嚟到柠檬冰室唔系唔食佢啲柠檬鸡翼呀嘛🤪..鸡翼上枱嘅时候真系吓咗一吓..咩料啲鸡翼咁鬼大只..最大𠮶只差唔多有一包Tempo纸巾咁大..撞鬼佢啊..仲要有成五只咁多..我哋两条女都惊咗一惊..究竟我哋食唔食得晒..咁又咁讲..鸡翼大只成咁其实系抵玩嘅..然后佢嘅炸皮系酥脆㗎..唔系好热气𠮶种脆..又几唔错㖞..而且鸡肉嘅肉质都几新鲜..只系牛油味唔算系太浓烈..好味嘅
🤫 咁因为我哋两个其实都唔系话真系劲肚饿..咁所以不嬲都唔钟意食粥粉面饭嘅我决定叫块扒嚟锯吓..我哋冇拣到晚市套餐𠮶只西冷牛扒啊..而系拣咗à la carte嘅法式牛柳..嚟到嘅时候..侍应姐姐都好好咁样问我需唔需要帮我淋汁..搞掂渣渣声之后先至放上枱俾我哋..虽然我哋叫咗七成熟..但系可能因为块铁板太过热拎到嚟放上枱嘅时候其实应该已经Well Done..不过都好好彩..佢哋呢一只牛柳就算Well Done都非常之软熟..然后牛味都几出㖞..咁本身佢都可以选择饭意粉薯菜做伴碟嘅..我哋就梗系拣薯菜啦..薯条份量都几多..蔬菜方面都有啲翠玉瓜青瓜同埋南瓜..成件事都OK好食
🤫 然后我哋呢一餐嘅重点就嚟啦..就系我喺Menu一见到就已经心心眼嘅一口西多伴雪糕..非常之欣赏佢真系热辣辣上枱㗎..西多士非常之松脆..虽然系炸嘅但系一啲都冇油腻感..然后西多士入边嘅花生酱都足料..正呀喂..而佢𠮶球雪糕系朱古力雪糕..咁因为我从来都唔食朱古力嘅..所以就成球俾咗我朋友仔食啦..朋友仔话加埋个雪糕真系Perfect..简直系有冰火嘅感觉..呢个一口西多士简直系要大推..做甜品真系一流..BTW..我都好似好耐冇食过西多士啦
🤫 为食嘅我又点可能满足于此呢..喺Menu里面除咗见到一口西多士异常吸引之外..另外喺精选特饮𠮶度亦都有一样令到我完全唔能够抗拒嘅饮品必须要叫..我讲紧嘅就系白雪公主..(喂呀..究竟我系咪已经同呢个社会脱节咗㗎啦..明明呢个特饮应该叫做白牛㗎嘛..点解换咗一个咁少女心嘅名嘅🤭) Any肥..虽然个名变咗..但系我系唔会唔认得你㗎白牛..呢个特饮简直系儿时回忆..最钟意就系将雪碧打落去雪糕上边然后飞出嚟𠮶啲泡泡..真心爽歪歪..饮埋杯白牛就真系功德圆满啦
🤫 介绍晒所有嘢食嘢饮..总括要讲一讲..柠檬冰室虽然系黄揿揿有啲太灿眼..但系其实入到去又觉得周围环境都几精神㖞..而且佢哋座位嘅模式系大部份都系卡位.. 令到两三个人嘅食客可以有自己嘅空间都几舒服..而且铺面干净企理..侍应姐姐们都非常之有礼貌兼且做嘢爽手..另外仲想赞吓佢哋非常之处变不惊..因为隔离有枱食客好鬼麻烦又要系咁调位又要嫌三嫌四..但系侍应姐姐们都非常之耐心应付..你话冰室点会有咁好服务呀平时..系咪抵赞先..而且睇得出佢哋都系做街坊生意为主..价钱同埋食物质素都非常性价比..观塘嘅街坊们可以过去试吓㖞
。。
翻兜指数：🙆🏻♀️🙆🏻♀️（5个🙆🏻♀️为翻兜爆灯）
。。
张贴
