影片
更多
2023-02-27
80 浏览
介绍返💁🏻♀️。。🇭🇰 汤面 在九龙湾 🇭🇰。鸣门割烹料理 Naruto Japanese Restaurant 。国际交易中心2楼2号舖。周末90分钟半自助餐Weekend 90mins Semi Buffet 。HKD268 + 10%主食 *八选一三色丼。海胆吞拿鱼腩蓉丼。网烧安格斯牛扒。锅烧牛柳粒目玉丼。蒲烧鳗鱼丼。滑蛋冲绳吉列白豚。牛肉野菜锅。黑豚肉稻庭鸟冬寿司三文鱼寿司。剑鱼腩寿司。帆立贝寿司。蟹棒寿司。赤虾寿司。玉子寿司。加州卷。吞拿鱼沙律军舰。粟米沙律军舰。蟹籽军舰刺身三文鱼。油甘鱼。鲷鱼。帆立贝。赤虾。北寄贝。荣螺。八爪鱼小食日式蒸蛋。面豉汤。味付螺肉。芝麻八爪鱼。迷你牛肉汤鸟冬。胡麻豆腐沙律。角切鱼生沙律炸物吉列蚝。芝士年糕。芝麻鸡翼。唐扬鸡软骨粒。吉列迷你紫薯饼烧物盐烧鲭鱼。鸡翼。汁烧白豚腩。免治鸡肉棒。厚烧牛舌。明太子玉子。烧三文鱼头饮品巨峰乳酸特饮。白桃乳酸特饮。无糖可乐。可乐。忌廉。雪碧。橙汁🤫 早排喺IG见到有其他Foodie朋友仔介绍过九龙湾呢边商业大厦竟然有日式嘅Weekend Brunch😲价钱每位二百几蚊..好似都几值得试吓..然后又遇啱寻日饭脚仔
。
。
🇭🇰 汤面 在九龙湾 🇭🇰
。鸣门割烹料理 Naruto Japanese Restaurant
。国际交易中心2楼2号舖
。
周末90分钟半自助餐
Weekend 90mins Semi Buffet
。HKD268 + 10%
主食 *八选一
三色丼。海胆吞拿鱼腩蓉丼。
网烧安格斯牛扒。锅烧牛柳粒目玉丼。
蒲烧鳗鱼丼。滑蛋冲绳吉列白豚。
牛肉野菜锅。黑豚肉稻庭鸟冬
寿司
三文鱼寿司。剑鱼腩寿司。帆立贝寿司。
蟹棒寿司。赤虾寿司。玉子寿司。加州卷。
吞拿鱼沙律军舰。粟米沙律军舰。蟹籽军舰
刺身
三文鱼。油甘鱼。鲷鱼。帆立贝。赤虾。
北寄贝。荣螺。八爪鱼
小食
日式蒸蛋。面豉汤。味付螺肉。芝麻八爪鱼。
迷你牛肉汤鸟冬。胡麻豆腐沙律。角切鱼生沙律
炸物
吉列蚝。芝士年糕。芝麻鸡翼。唐扬鸡软骨粒。
吉列迷你紫薯饼
烧物
盐烧鲭鱼。鸡翼。汁烧白豚腩。免治鸡肉棒。
厚烧牛舌。明太子玉子。烧三文鱼头
饮品
巨峰乳酸特饮。白桃乳酸特饮。无糖可乐。
可乐。忌廉。雪碧。橙汁
🤫 早排喺IG见到有其他Foodie朋友仔介绍过九龙湾呢边商业大厦竟然有日式嘅Weekend Brunch😲价钱每位二百几蚊..好似都几值得试吓..然后又遇啱寻日饭脚仔冇比赛又唔驶练习..一于早少少出去同佢叹番餐好嘢(正确啲嚟讲系捉佢陪我叹番餐好嘢至啱🤭)
🤫 一入到去鸣门第一个感觉系光猛阔落舒适..因为呢度楼底有两层楼咁高..空间感充足..又有阳光可以晒到入嚟..成件事好温暖..Haha..然后侍应姐姐就好有礼貌咁样介绍返佢哋八选一嘅主食同埋各样任点任食嘅选项..主食方面我就拣咗平时都系我嘅首选嘅海胆吞拿鱼腩蓉丼..而饭脚仔就拣咗网烧安格斯..然后又用纸仔落咗几样鱼生同埋热食
🤫 除咗刺身之外啲嘢食都上得好快..见到我𠮶碗海鲜丼就心心眼啦..海胆份量虽然唔系太多但系好鲜甜..至于吞拿鱼腩蓉简直系同啲饭一比一咁多..开心死我..完全满足到我嘅食欲
🤫 网烧安格斯有得拣五七九成熟..饭脚仔唔食生嘢嘅..安格斯Order咗七成熟对佢嚟讲啱啱好..牛味香浓口感细滑..而且仲有两大块..份量亦都好充足..食到饭脚仔舔舔脷
🤫 再嚟就讲吓放题里面好重要嘅一环～刺身先..刺身嘅种类有八种..话多唔多话少唔少啦..必定出现嘅三文鱼油甘鱼刺身鲜甜肥美..而且绝对唔悭住..件件都系厚切..鲷鱼片都唔错..属于偏淡口嘅刺身..然后赤虾都系中大Size..同帆立贝一样爽口甜美..值得一提嘅就系周末半自助餐送嘅一人一只矶煮鲍鱼..呢个有惊喜㖞..鲍鱼爽口弹牙之余..矶煮非常入味..饭脚仔不嬲都唔钟意食鲍鱼..我一个人队晒两只..开心仔🤭 哎..我仲有食荣螺..都OK新鲜爽口嘅..但系同以上种种比较起上嚟就相对普通啦
🤫 然后就讲吓小食啦..饭脚仔系呢部份嘅专家..因为佢好多好嘢都唔钟意食..蚀本货一名🤪 佢就Encore咗两次芝麻八爪鱼加三次味付螺肉..芝麻八爪鱼仲有一只系劲大㗎..然后呢度嘅面豉汤属于正常质素啦..仲有个蒸蛋都几足料㗎..冬菇蟹柳蚬肉银杏都有齐..味道非常鲜甜..搞到我连茶碗蒸都Encore咗一次
🤫 之后就一次过介绍烧物同埋炸物啦..其实全部嘢食口味都非常之唔错..但系最最最紧要嘅就系..全部都系热辣辣上枱㗎..唔似得出边啲放题将啲热嘢全部摆到冻晒先至攞出嚟俾你食..呢个位我同饭脚仔系最欣赏嘅..个人就比较钟意食烧鸡翼多过芝麻鸡翼..烧鸡翼一串有两只..虽然烧得比较干身..但系鸡皮烧到脆卜卜咁好惹味啊..相反芝麻鸡翼就系中鸡翼连翼尖..炸得比较热气啲咁啰..然后吉列蚝虽然Size唔算大..但系炸得香脆而且有香浓嘅蚝味..都值得一试..再嚟我就会推介明太子玉子..玉子都几嫩滑.. 加埋上边嘅明太子酱..好好味
🤫 饭脚仔就话汁烧白豚腩都好值得食..肥瘦均匀而且烧得几香口..另外牛舌我哋唔小心嗌咗一块..因为我哋两个都唔食嘅..所以就放埋咗一边..但系夹起上嚟都觉得几软熟..而且仲系厚切添..钟意食牛舌嘅一定要试吓啦..仲有仲有..烧三文鱼头系限量供应㗎..我太迟发现啦..所以已经冇晒噜..下次嚟食一定要即刻Order呢个先得
🤫 嘢饮方面..我就唔钟意饮乳酸味产品嘅..所以我都只系饮咗可乐同雪碧..留意返呢度系会俾冰底嘅..然后饭脚仔就试咗一杯巨峰乳酸特饮..佢话巨峰提子味好香浓..但系乳酸味就唔系好突出..都几好味嘅
🤫 好啦～嘢食嘢饮都大致上讲晒啦..喺寿司呢个界别入边..我哋净系叫咗两件蟹棒寿司🤭 因为我个人就觉得有刺身点解仲要食寿司呢..食多咗嚿饭就食少咗嚿肉㗎啦嘛..但系对于蚀本货饭脚仔嚟讲就好唔同啦😂 (纯粹搞笑) 放心～寿司质素唔错嘅
🤫 大家如果要嚟试呢度嘅周末日式Brunch记得要订位先呀..侍应姐姐话每个Weekend都全场爆满㗎
。。
翻兜指数：🙆🏻♀️🙆🏻♀️（5个🙆🏻♀️为翻兜爆灯）
。。
张贴
