影片
更多
2023-03-22
25 浏览
介绍返💁🏻♀️。。🇭🇰 镬仔麻辣鸡 在 尖沙咀 🇭🇰。喜聚烧 Happy Circle Q。宝勒巷10号10 Prat 8楼。喜聚镬仔麻辣鸡 Spicy & Numbing Chicken Iron Pot。HKD388 @ 全只。HKD198 @ 半只蒜蓉烧贵妃蚌 Stir-fried Garlic Mussels。HKD68 @ each烧芝士响铃 Cheese Beancurd Skins Roll。HKD24 @ 两件海盐烧鸡皮 Grilled Crispy Chicken Skin。HKD38 @ 两串烧特厚黑啤牛仔骨 Grilled Beef Short Ribs with Stout。HKD69 @ 两件烧猪颈肉 Grilled Pork Neck。HKD28 @ 一串盐烧谷饲三层肉 Grilled-Salt Grain-fed Three- layer Meat。HKD39 @ 一串蒜蓉烧茄子 Garlic Grilled Eggplants。HKD29 茶里王 台式乌龙茶。HKD22🤫 寻晚同W猪喺The ONE睇完戏..谂住Random揾间嘢食完先返屋企..Ope
。
。
🇭🇰 镬仔麻辣鸡 在 尖沙咀 🇭🇰
。喜聚烧 Happy Circle Q
。宝勒巷10号10 Prat 8楼
。
喜聚镬仔麻辣鸡 Spicy & Numbing Chicken Iron Pot
。HKD388 @ 全只
。HKD198 @ 半只
蒜蓉烧贵妃蚌 Stir-fried Garlic Mussels
。HKD68 @ each
烧芝士响铃 Cheese Beancurd Skins Roll
。HKD24 @ 两件
海盐烧鸡皮 Grilled Crispy Chicken Skin
。HKD38 @ 两串
烧特厚黑啤牛仔骨 Grilled Beef Short Ribs with Stout
。HKD69 @ 两件
烧猪颈肉 Grilled Pork Neck
。HKD28 @ 一串
盐烧谷饲三层肉
Grilled-Salt Grain-fed Three- layer Meat
。HKD39 @ 一串
蒜蓉烧茄子 Garlic Grilled Eggplants
。HKD29
茶里王 台式乌龙茶
。HKD22
🤫 寻晚同W猪喺The ONE睇完戏..谂住Random揾间嘢食完先返屋企..Openrice度见附近有间楼上舖有W猪好有兴趣嘅麻辣菜式..一于上去试吓啰～咁因为睇戏之前都食咗些少嘢..所以我哋两个都唔系话好肚饿..除咗W猪专登要上嚟试嘅镬仔麻辣鸡之外..我哋再拣多四五样串烧小食就搞掂哩一餐嘞
🤫 打头阵梗系介绍喜聚烧嘅招牌镬仔麻辣鸡先啦..我哋两条友仔Share咗半只鸡..麻辣鸡热辣辣上枱而且好欣赏镬仔下边仲有火㷫住..可以一边食一边保持住只鸡嘅热度..担保啲麻辣酱汁唔会瞏到一嚿嚿咁..然后鸡件大大嚿冇碎骨..真正做到啖啖肉..够麻又够辣..我食咗两嚿就已经顶唔顺变咗麦当劳嘴..而W猪就劲Enjoy..成镬鸡队晒..食完仲话想下次试吓加辣..哎～系..差啲唔记得讲..呢个镬仔麻辣鸡仲有一个特别之处就系可以加辣..食得辣嘅朋友一定要嚟试吓
🤫 然后排名不分先后..😂都系唔好..由我嘅推介开始介绍先..我不嬲都系海鲜怪兽..所以劲推介呢度嘅蒜蓉烧贵妃蚌..虽然六十八蚊一只贵妃蚌唔算系平..不过呢个价钱绝对值..只贵妃蚌好大只..唔系讲个壳㖞..系只蚌比起掌心仲要再大啲..而且烧得好Juicy..完全冇沙放心食用..重点系佢呢度嘅蒜蓉系真嘅切粒蒜蓉..唔系出边好钟意用𠮶啲罐头酸酸地味嘅蒜蓉..呢个系我今餐嘅No. ONE
🤫 下一个介绍嘅系牛仔骨..完全合乎商品说明条例..真系劲厚嘅两片牛仔骨..油脂充足非常肥美而且仲啖啖肉好有咬口..食牛仔骨梗系要叹黐住嚿骨𠮶啲好似筋嘅位置啦
🤫 再嚟烧芝士响铃算系一个好特别嘅小食..出边好少见..基本上系喺响铃外边轻轻火炙过令到外皮更加香脆..然后入边包住芝士..层次分明..唯一就系响铃唔系厚身𠮶种..所以食完好似食咗阵风咁..Haha..几特别
🤫 海盐烧鸡皮同谷饲三层肉味道OK..鸡皮烧得够干身非常脆口..三层肉其实系五花腩..相比起上面介绍嘅唔系话好特别
🤫 最后烧猪颈肉亦都值得一试..喜聚烧将猪颈肉切成厚切粒粒..爽口弹牙而且调味得宜..然后蒜蓉烧茄子份量虽然唔算多..但系都系𠮶句啦..我钟意佢哋用真嘅蒜头剁成蒜蓉..茄子有满满嘅蒜蓉香味..系满足嘅～
🤫 总括嚟讲喜聚烧地方都算系几大几舒服..座位唔会话好逼夹..仲有啲高位围住窗边可以边饮酒边食串烧边睇风景..唯一就系就灯光偏昏暗..太过Romantic影相有啲难度🤭另外..餐厅疑似老板娘非常之亲切有礼..会推介是日新鲜海鲜又会留意食客有咩需要..主动提供协助..Nice
。。
翻兜指数：🙆🏻♀️🙆🏻♀️ （5个🙆🏻♀️为翻兜爆灯)
。。
张贴
