影片
更多
2023-05-04
1082 浏览
介绍返💁🏻♀️。。🇹🇼 台湾菜 在大角咀 🇹🇼。好吃吃光 Eat Up。大角咀博文街4号地舖。月见海老蚵仔鲁肉饭包含一份小菜及一杯阿萨姆红茶。HKD74 Q弹焢肉。HKD18夜市台湾肠。HKD32椒盬花枝丸。HKD38 @ 4粒大满足蛋饼。HKD54冬瓜茶。HKD18 @ 热。HKD20 @ 冻🤫 今日我要介绍嘅系我自己期待已久嘅好吃吃光～呢间台湾菜成日都会喺IG度蒲出嚟..第一次见到𠮶只亮晶晶圆辘辘嘅月见俾好多好多只大大只嘅蚵仔手牵手咁样围住嘅时候..我就已经下定决心一定要亲身去会一会佢🤪🤫 然后喺日本返嚟嘅第三日就约咗沈沈去好吃吃光排队开饭兼见佢一面😳虽然话系要排队..都系等咗十分钟左右就已经可以被安排坐喺窗边高枱位置..平时见到人哋嘅Post都有Menu张相..点知原来呢度系用QR Code落单嘅🤣🤫 我呢个为食仔见到原来月见蚵仔卤肉饭仲有个加强版系有埋海老㗎😲梗系拣呢个乜都有齐晒嘅开心啲啦～然后就再加多三四样小食同沈沈Share食..落单大功告成🎉🤫 等咗一阵小食们都陆续上枱..夜市台湾肠其实系普通原味嘅台湾肠一条再加我最钟意食嘅墨汁肠一条切片伴以生蒜粒粒..我最钟意就系呢一种
。
。
🇹🇼 台湾菜 在大角咀 🇹🇼
。好吃吃光 Eat Up
。大角咀博文街4号地舖
。
月见海老蚵仔鲁肉饭
包含一份小菜及一杯阿萨姆红茶
。HKD74
Q弹焢肉
。HKD18
夜市台湾肠
。HKD32
椒盬花枝丸
。HKD38 @ 4粒
大满足蛋饼
。HKD54
冬瓜茶
。HKD18 @ 热
。HKD20 @ 冻
🤫 今日我要介绍嘅系我自己期待已久嘅好吃吃光～呢间台湾菜成日都会喺IG度蒲出嚟..第一次见到𠮶只亮晶晶圆辘辘嘅月见俾好多好多只大大只嘅蚵仔手牵手咁样围住嘅时候..我就已经下定决心一定要亲身去会一会佢🤪
🤫 然后喺日本返嚟嘅第三日就约咗沈沈去好吃吃光排队开饭兼见佢一面😳虽然话系要排队..都系等咗十分钟左右就已经可以被安排坐喺窗边高枱位置..平时见到人哋嘅Post都有Menu张相..点知原来呢度系用QR Code落单嘅🤣
🤫 我呢个为食仔见到原来月见蚵仔卤肉饭仲有个加强版系有埋海老㗎😲梗系拣呢个乜都有齐晒嘅开心啲啦～然后就再加多三四样小食同沈沈Share食..落单大功告成🎉
🤫 等咗一阵小食们都陆续上枱..夜市台湾肠其实系普通原味嘅台湾肠一条再加我最钟意食嘅墨汁肠一条切片伴以生蒜粒粒..我最钟意就系呢一种可以连埋生蒜粒粒食嘅正宗台湾肠食法㗎喇..脆皮肠再加埋生蒜刺激又惹味..一啖一片又够晒方便..话咁快就俾我哋两个队晒噜～
🤫 然后椒盬花枝丸劲大粒有四粒..同只匙羹嘅比例非常之完美🤣忍唔住要影一张Solo..椒盐味满满而且炸得香脆..入边又Keep得到水嫩弹牙..虽然话呢啲系一啲现成食品..但系制作得好食就别有一番风味
🤫 再嚟就系必食推介～大满足蛋饼..记得..一定要叫大满足蛋饼而唔系𠮶啲普通芝士蛋饼..因为呢个大满足蛋饼真系会令到你大满足㗎🤭佢将芝士鸡扒青菜粟米集于一身..丰厚嘅身形已经令我想入非非..夹起上嚟见到流心芝士包住幼嫩鸡扒下边仲有一块绿油油嘅青菜..放入口嘅时候更加有香甜粟米嘅口感..你话系咪大满足先..记得如果两个人嚟开餐嗌一碗饭再加一个大满足蛋饼就够㗎啦..如果叫两碗饭我肯定你食唔晒🤪
🤫 跟住就系主角登场～月见海老蚵仔鲁肉饭💁🏻♀️碗饭一放低..蚵仔嘅香气扑面而嚟..沈沈已经准备就绪..匙羹差啲去到目的地嘅𠮶一刻..俾我叫停咗😆因为我要相机食先..快手影咗三四五六七八张相之后..我哋终于开动..蚵仔果然冇令人失望..鲜甜多汁而且只只都有返咁上下Size..笃穿埋个月见捞落去个鲁肉饭度就更加不得了..我同沈沈都好耐冇试过要边食边讲好味㗎喇..唯独海老虽然都系大只仔..可惜得三只唔够分啰😳
🤫 食到咁上下差啲唔记得咗我哋仲有个Q弹焢肉未嚟㗎㖞..原来焢肉制作需时..半碗饭之后佢终于送到..好香浓嘅姜醋味..你睇佢咁深色就知道啦～而且呢一嚿焢肉已经煮到软绵绵..差啲就系入口即溶嘅感觉
🤫 最后..只要嗌一个主食就会免费有一杯冻或者热嘅阿萨姆红茶..系一杯好浓嘅红茶..就算我系饮冻嘅加咗冰都咁香浓就知道佢个茶胆唔少嘢啦..而沈沈饮嘅冻冬瓜茶甜度适中清凉解渴
🤫 老实讲好吃吃光地方真系唔系好大..不过座位都尚算舒适..系枱与枱之间嘅位置唔系太多..侍应哥哥姐姐嘅服务都唔错呀..有交带快手快脚..我自己就好钟意坐喺窗边呢一排嘅高枱..边食边望住街外边嘅风景又有另一番感受..大家快啲嚟呢度试吓😆不过要预多啲时间排队先得
。。
翻兜指数：🙆🏻♀🙆🏻♀️️🙆🏻♀️🙆🏻♀️ （5个🙆🏻♀️为翻兜爆灯）
。。
张贴
