影片
更多
2023-05-22
818 浏览
介绍返💁🏻♀️。。🇯🇵 沾面 在鲗鱼涌 🇯🇵。神山麺屋 Kanzan Menya。新声大厦地下AK及B号舖。白神山叉烧拉面 Shiro Kanzan BBQ Pork Ramen。HKD78 + 10%神山豚角沾汁面 Kanzan Tsukemen。HKD88 + 10%Additional Topping 低温叉烧 Slow Cook Pork。HKD20 + 10%神山手造饺子 Kanzan Gyoza。HKD38 + 10%神山炸鸡 配芥末酱Kanzan Deep Fried Chicken with Wasabi Salad Sauce 。HKD42 + 10%蒜香鱿鱼须 Fried Squid with Garlic 。HKD42 + 10%芦笋牛肉卷 Asparagus & Beef Roll。HKD45 + 10%🤫 啱啱𠮶个礼拜二同饭脚仔撑枱脚放工出尖沙咀食拉面～点解特登出尖沙咀?系呀～我系慕名而嚟㗎..我想去试前排成日见到IG有人介绍嘅东京过江龙神山麺屋最出名嘅沾面吖嘛😎🤫 大概七点左右到店已经半场坐满..我哋被安排坐比较入边嘅卡位..放眼望去..神山麺屋铺面唔大..
。
。
🇯🇵 沾面 在鲗鱼涌 🇯🇵
。神山麺屋 Kanzan Menya
。新声大厦地下AK及B号舖
。
白神山叉烧拉面
Shiro Kanzan BBQ Pork Ramen
。HKD78 + 10%
神山豚角沾汁面 Kanzan Tsukemen
。HKD88 + 10%
Additional Topping
低温叉烧 Slow Cook Pork
。HKD20 + 10%
神山手造饺子 Kanzan Gyoza
。HKD38 + 10%
神山炸鸡 配芥末酱
Kanzan Deep Fried Chicken with Wasabi Salad Sauce
。HKD42 + 10%
蒜香鱿鱼须 Fried Squid with Garlic
。HKD42 + 10%
芦笋牛肉卷 Asparagus & Beef Roll
。HKD45 + 10%
🤫 啱啱𠮶个礼拜二同饭脚仔撑枱脚放工出尖沙咀食拉面～点解特登出尖沙咀?系呀～我系慕名而嚟㗎..我想去试前排成日见到IG有人介绍嘅东京过江龙神山麺屋最出名嘅沾面吖嘛😎
🤫 大概七点左右到店已经半场坐满..我哋被安排坐比较入边嘅卡位..放眼望去..神山麺屋铺面唔大..但系座位各具特色..有拉面嘅吧枱位..又有好适合打卡嘅二人高枱位..仲有我而家坐嘅四人卡位..同埋侧边一细行普通座位
🤫 饭脚仔同我一人一个面..另外再加咗好几个小食..今餐真系坚丰富～我决定由小食起开始介绍..第一样介绍嘅系各样小食里边我最钟意嘅芦笋牛肉卷..芦笋幼嫩爽口冇根而牛肉薄片亦都煎得啱啱好..调味方面相当惹味..令人一吃再吃
🤫 然后佢哋嘅饺子底皮煎得香脆兼且皮薄..一啖咬开有爆汁效果..再嚟就系饭脚仔最欣赏嘅鱿鱼须..呢度嘅鱿鱼须并唔系茶楼𠮶啲酥炸鱿鱼须..而系蒜蓉汁烧..蒜蓉味香浓入味..鱿鱼须都几新鲜弹牙..上边再轻轻加咗啲芥末酱简直系画龙点睛
🤫 最后嘅小食..神山炸鸡新鲜滚热辣上枱..非常之香脆又唔会话太过油腻..轻轻嘅芥末酱调味就已经相得益彰..最紧要系旁边仲有一定份量嘅蔬菜沙律..成件事即刻Refresh咗
🤫 再嚟就系重头戏神山拉面～我嘅豚角沾汁面..先唔讲味道..其实出边街真系好少有质素咁好嘅沾面卖九十蚊有找😂真心抵食..而且份量惊人..沾面同汤面嘅面底系唔同㗎..沾面嘅面比汤面两倍粗身而且有坑纹..可以完全挂汤..然后面质弹牙有口感..豚角烧到非常之焦香而且有两大嚿..能够做到入口松化肥瘦均匀..真心正斗
🤫 而饭脚仔嘅白神山叉烧拉面亦都相当唔错..中幼身嘅面条配味道香浓嘅白汤..叉烧虽然薄但系好大块以慢煮嘅烹调方法制成..有微微嘅咸香..好味到饭脚仔要加码多一份..另外一个重点就系～佢哋每碗面都有全只流心蛋㗎😆
。。
翻兜指数：🙆🏻♀🙆🏻♀️🙆🏻♀️️🙆🏻♀️ （5个🙆🏻♀️为翻兜爆灯）
。。
张贴
