影片
更多
2023-06-08
1343 浏览
介绍返💁🏻♀️。。🇯🇵 乌冬 在鲗鱼涌 🇯🇵。鲷鱼鱼汤专门店 Snapper。龙景大厦地下3A号舖。乌贼锅烧鲷鱼汤乌冬Snapper Soup Udon with Squid 。HKD85时合蚬虾鱼汤鸟冬 Snapper Soup Udon with Clams & Shrimps。HKD108配料追加 Additional 。蟹棒 Crab Stick - HKD18 @ 4pcs。广岛生蚝 Oyster - HKD25 @ 2pcs。烟三文鱼 Smoked Salmon - HKD30 @ 2pcs 。花胶 HKD30 @ 4 pcs。时令海胆 Sea Urchin- HKD80薯丝卷卷虾 Deep Fried Potato Shrimp。HKD40 @ 5pcs吉列猪扒 Cutlet Pork Chop。HKD68牛肉饼 Beef Cake。HKD38 @ 2pcs赤富士梳打 Aka Fuji Soda 。HKD24完熟桃味梳打 Kanjuku Peach Soda。HKD24🤫 今次呢篇美食日记名为宠坏女朋友眼阔肚窄系列..话说饭脚仔无意之中留意到..我早一排返工Lunch
。
。
🇯🇵 乌冬 在鲗鱼涌 🇯🇵
。鲷鱼鱼汤专门店 Snapper
。龙景大厦地下3A号舖
。
乌贼锅烧鲷鱼汤乌冬Snapper Soup Udon with Squid
。HKD85
时合蚬虾鱼汤鸟冬 Snapper Soup Udon with Clams & Shrimps
。HKD108
配料追加 Additional
。蟹棒 Crab Stick - HKD18 @ 4pcs
。广岛生蚝 Oyster - HKD25 @ 2pcs
。烟三文鱼 Smoked Salmon - HKD30 @ 2pcs
。花胶 HKD30 @ 4 pcs
。时令海胆 Sea Urchin- HKD80
薯丝卷卷虾 Deep Fried Potato Shrimp
。HKD40 @ 5pcs
吉列猪扒 Cutlet Pork Chop
。HKD68
牛肉饼 Beef Cake
。HKD38 @ 2pcs
赤富士梳打 Aka Fuji Soda
。HKD24
完熟桃味梳打 Kanjuku Peach Soda
。HKD24
🤫 今次呢篇美食日记名为宠坏女朋友眼阔肚窄系列..话说饭脚仔无意之中留意到..我早一排返工Lunch Time都几钟意食嘅鲷鱼鱼汤专门店近排有八周年节庆活动..做紧唔知咩八八折咁话～咁又见我都一段时间冇去帮衬过..然后又有折咁好..就话要带我过去开大餐咁话㖞🤭好啦～一于Lunch Time去撑枱脚啦😚
🤫 事关一早知道有折头优惠..我同饭脚仔今餐真系叫得好放肆..我竟然On Top Of每次嚟都必食嘅蚬虾鱼汤鸟冬再追加咗生蚝海胆同埋花胶..变成一碗无敌海鲜鱼汤乌冬🤤而饭脚仔见我叫得咁高兴..佢都忍唔住喺佢个乌贼锅烧鲷鱼汤乌冬之上加咗蟹柳同埋烟三文鱼🤪唔止咁㗎～当然唔少得我最钟意食嘅薯丝卷卷虾啦🤤然后饭脚仔仲叫多咗一份吉列猪扒同埋牛肉薯饼..你话两个人点解会嗌咁多嘢㗎呢？究竟系咪黐咗线呢？
🤫 好啦～即刻讲吓啲嘢食..我嘅蚬虾汤乌冬系一贯嘅好味..香浓鲜味嘅奶白色鱼汤滚热辣咁样浸住八只饱满嘅大蚬同𠮶两只真系大到飞起嘅爽口大虾(你睇吓𠮶只虾同对筷子差唔多长㗎😲)然后加配嘅海胆真系不得了..劲大条海胆有成两三条..好鲜甜～最紧要系同个鱼汤好衬～然后生蚝又系劲大只..蚝味都好香..(究竟点解Snapper啲海鲜全部都好似中咗巨大降咁嘅呢😂全部都大到冇朋友㗎㖞)而最后嘅花胶就更加系抵食啦..先三十蚊就有四件..食完即刻觉得自己白滑咗🤪不过今次真系叫得太多𩠌啦..所以就算啲乌冬够挂汤又软硬适中咁..我都真系食唔晒呀😵
🤫 至于大胃王饭脚仔呢..佢又系食返佢爱嘅乌贼鱼汤乌冬..佢话呢度啲乌贼比出边街食到𠮶啲大只好多而且爽口鲜甜..今次都冇令佢失望..加埋蟹棒同埋烟三文鱼成件事丰富哂..哎～差啲唔记得讲..加配嘅食材都系分开碗另上嘅..而且每一碗食材下边都会放有佢哋嘅鱼汤津白..啲津白朔晒鱼汤嘅味道真系好好味㗎..我每次都唔会嘥嘢..将所有蔬菜都食埋㗎😎(但系今次真系太多啦..蔬菜部份都食净咗少少😐)
🤫 究竟我哋系咪俾为食鬼上咗身呢..我哋竟然叫咗咁多嘢..然后仲要系可以差唔多食晒呀😨 薯丝卷卷虾就冇得讲啦..我一定第一时间食晒嘅😳卷卷虾真系炸得好香脆好好味㗎
🤫 然后今次第一次食嘅吉列猪扒都唔错..好大份好大块..听讲话系即叫即炸所以真系香脆到索索声㗎..炸皮都够薄而块扒呢..就系比较厚实𠮶种..饭脚仔话吉列猪扒点嘅𠮶个酱汁好浓..一次唔可以点太多㖞..而我就比较钟意点Mayonnaise啦～另外牛肉薯饼都系第一次食..呢个我谂我下次都会Encore..薯饼软绵绵..外脆内软𠮶种..而且带有小小嘅牛肉粒..我钟意呢个味道
🤫 其实嚟呢度食过咁多次每次都令我(个肚腩🥲)满载而归就知道呢度嘅质量系绝对有保证..今次过嚟仲觉得啲职员嘅服务好过之前啲..即系冇咗之前嚟𠮶种赶头赶命嘅感觉..老实讲鲗鱼涌嘢食咁鬼多..但系其实都有好多间开咗冇耐就执笠..Snapper开咗八年都站得住脚🦶🏻应该系有佢自己嘅优胜之处嘅..等我喺今个月之内再帮衬多一次先..有折㖞..Haha
🤫 黄色经济圈
。。
翻兜指数：🙆🏻♀🙆🏻♀️️🙆🏻♀️ （5个🙆🏻♀️为翻兜爆灯）
💮已翻兜次数：4次💮
。。
张贴
