影片
更多
2023-09-06
249 浏览
介绍返💁🏻♀️。。🇺🇸 即叫即制Pizza 在 大角咀 🇺🇸。Pizza King。晏架街44号地下A号舖。Set for TWO 二人套餐 Pizza x 1。Appetiser x 1。Pasta x 1。Drink × 2薄饼一个。前菜一客。意粉一客。饮品二罐。HKD268🤫 虽然生日已经过咗(人已经老咗🥲)..但系生日饭依然仲食紧😌寻晚就有一个好兄弟请我晚饭甜品直落🤟🏻仲要系带我试咗一个令到我决定必须要翻兜嘅Pizza～情况如下🤫 好兄弟米奇约我七点钟奥运站等..然后带我左兜右兜最后去到Pizza King～Pizza King睇落系一间主打外卖生意嘅Pizza舖..有少量嘅座位..环境光猛舒适🤫 思前想后我哋两个大胃王决定叫一个二人餐..二百六几蚊新开张仲有折..任拣佢哋是但一种Pizza..是但一种小食同埋是但一个Pasta..计吓计吓条数都几抵🤫 最Amaze到我嘅系落完Order冇耐就见到埋边师傅喺度搓饼皮..即叫即制嘅Pizza果然不同凡响..我哋拣咗最多馅料最贵𠮶只Seafood Supreme Pizza..Mozzarella Cheese拉丝唔再讲..个饼底真
。
。
🇺🇸 即叫即制Pizza 在 大角咀 🇺🇸
。Pizza King
。晏架街44号地下A号舖
。
Set for TWO 二人套餐
Pizza x 1。Appetiser x 1。Pasta x 1。Drink × 2
薄饼一个。前菜一客。意粉一客。饮品二罐
。HKD268
🤫 虽然生日已经过咗(人已经老咗🥲)..但系生日饭依然仲食紧😌寻晚就有一个好兄弟请我晚饭甜品直落🤟🏻仲要系带我试咗一个令到我决定必须要翻兜嘅Pizza～情况如下
🤫 好兄弟米奇约我七点钟奥运站等..然后带我左兜右兜最后去到Pizza King～Pizza King睇落系一间主打外卖生意嘅Pizza舖..有少量嘅座位..环境光猛舒适
🤫 思前想后我哋两个大胃王决定叫一个二人餐..二百六几蚊新开张仲有折..任拣佢哋是但一种Pizza..是但一种小食同埋是但一个Pasta..计吓计吓条数都几抵
🤫 最Amaze到我嘅系落完Order冇耐就见到埋边师傅喺度搓饼皮..即叫即制嘅Pizza果然不同凡响..我哋拣咗最多馅料最贵𠮶只Seafood Supreme Pizza..Mozzarella Cheese拉丝唔再讲..个饼底真系同平时食嘅好唔同..烟韧有口感仲要厚薄适中..而且Pizza上边嘅海鲜全部都系中Size嘅海鲜..唔系Pizza Hut用𠮶啲冰鲜细粒到见唔到咁滞嘅海鲜..而且啲海鲜嘅质地都几唔错..成件事系非常推介㗎👍🏻搞到想减肥嘅我都忍唔住食咗两件半🍕
🤫 小食方面..呢度系比较单一啲嘅..主要都系卖各式各样嘅鸡翼或者蒜蓉包..不过虽然系咁..佢哋嘅鸡翼质素都有返咁上下..我哋拣咗熔岩芝士鸡翼..有四大只..鸡翼脆口唔油腻仲要入边非常之Juicy..芝士落咗两种..味道非常香浓🧀
🤫 然后跟餐仲有一个Pasta..米奇话呢度嘅Creamy Truffle Mushroom Spaghetti超级正..所以我一定要试吓咁话..果然冇介绍错㖞～首先Pasta又系睇住厨师即叫即煮..系𠮶种一煮好一分钟唔使就已经上枱到我哋手中嘅即食..个Spaghetti软硬适中..个Truffle Sauce超级Creamy..野菌又够多..而个人最欣赏嘅就系餐厅一啲都冇孤寒..Truffle Cream Sauce之多..可以将每一条Spaghetti完全包裹住..美味满分💯
🤫 Pizza King呢一种外卖为主嘅餐厅最大嘅好处就系厨房就喺座位嘅隔离..钟意食新鲜滚热辣嘢食嘅你真系绝对唔可以错过..真心～叫外卖返屋企食梗系舒服啲嘅..不过我强烈建议大家嚟呢度坐低食..尤其是系佢呢个二人套餐真系好鬼抵..仲要一人有一罐汽水..大胃王食都够饱..满足程度系有十分
🤫 下期预告..好兄弟竟然男人老狗识得带我去试打卡热爆嘅少女甜品.. 详情听日话你知～千祈唔好错过😉
。。
翻兜指数：🙆🏻♀🙆🏻♀️🙆🏻♀️️🙆🏻♀️ （5个🙆🏻♀️为翻兜爆灯）
。。
张贴
