影片
更多
2023-10-31
1815 浏览
介绍返💁🏻♀️。。🇮🇹 Pizza 在将军澳 🇮🇹。The Pizza Pig。MONTEREY Place 地下G10-11号舖。Signature Piggie Pizza 招牌鬼马”猪"意薄饼。HKD198 + 10% @ M。HKD368 + 10% @ LWhite Truffle Spaghetti Carbonara卡邦尼松露蛋汁烟肉意粉。HKD178 + 10%Ahi Tuna Tartare 吞拿鱼他他。HKD148 + 10%Pineapple Juice。HKD38 + 10%🤫 每个月总有几日Work From Home嘅时候好想行出去将军澳海滨𠮶边扮吓悠闲扮吓写意..呢日约咗个邻居去咗其中一间装修好鬼度假Feel嘅餐厅食Lunch..讲紧嘅就系以猪仔🐽为主题嘅连锁餐厅The Pizza Pig🤫 Pizza Pig位于同Donki同一个商场嘅地下..餐厅系一个Open Area咁样..秋冬天嚟呢度食嘢系劲舒服㗎..环境开阳空气又够流通仲有暖暖嘅天然光..净系坐喺度都觉得Chill🤫 两个生咗大食积嘅女人见到啲小朋友阿妈一齐Share食咗一个好鬼大嘅Pizza.
。
。
🇮🇹 Pizza 在将军澳 🇮🇹
。The Pizza Pig
。MONTEREY Place 地下G10-11号舖
。
Signature Piggie Pizza 招牌鬼马”猪"意薄饼
。HKD198 + 10% @ M
。HKD368 + 10% @ L
White Truffle Spaghetti Carbonara
卡邦尼松露蛋汁烟肉意粉
。HKD178 + 10%
Ahi Tuna Tartare 吞拿鱼他他
。HKD148 + 10%
Pineapple Juice
。HKD38 + 10%
🤫 每个月总有几日Work From Home嘅时候好想行出去将军澳海滨𠮶边扮吓悠闲扮吓写意..呢日约咗个邻居去咗其中一间装修好鬼度假Feel嘅餐厅食Lunch..讲紧嘅就系以猪仔🐽为主题嘅连锁餐厅The Pizza Pig
🤫 Pizza Pig位于同Donki同一个商场嘅地下..餐厅系一个Open Area咁样..秋冬天嚟呢度食嘢系劲舒服㗎..环境开阳空气又够流通仲有暖暖嘅天然光..净系坐喺度都觉得Chill
🤫 两个生咗大食积嘅女人见到啲小朋友阿妈一齐Share食咗一个好鬼大嘅Pizza..好似好正咁样..所以我哋都唔执输叫咗个细嘅Signature Piggie Pizza..呢个招牌薄饼真系不得了..讲得系猪仔薄饼梗系有齐晒猪仔嘅全身各个部位啦🤭外至脆卜卜嘅猪皮内至火腿辣肉肠同埋好好肉地嘅手撕猪手..口感多元化之余仲要好好味..猪手咸香味好重..配埋Mozzarella Cheese同埋新鲜嘅洋葱圈..香口惹味冇得弹..仲有㖞～话就话系细Size..其实都可以切成八块咁多..睇嚟我哋都系眼阔肚窄㗎啦😵💫
🤫 事关一开始唔知道个Pizza咁鬼大块..我哋惊死唔够饱仲叫多咗个Carbonara..问你死未🤣但系呢个Carbonara叫咗返嚟绝对唔会后悔..我真系超级推介大家嚟呢度一定要试..唔好睇佢外表平平无奇普普通通..佢个白松露嘅香气系只碟一放落张枱度已经闻到..然后成个Sauce都系好Creamy好Rich好香浓..配埋呢一啲比较厚身咸咸地嘅烟肉真系一啖一啖忍唔住放入口..最紧要连个Spaghetti都煮得啱啱好软硬适中又够挂汁..最后都系成碟食晒😳
🤫 仲有呢..其实我哋仲叫咗个Appetiser😌系咪想死..你话系咪太过为食..不过都好彩～我哋拣嘅呢一个吞拿鱼他他..个调味呢好重芝麻香㗎～加上有些少酸酸辣辣咁样都几开胃嘅..唯一就系牛油果粒粒唔够青瓜粒粒多..兼且牛油果嘅味不嬲都系相对淡口啲..成碟他他唔系太食得出牛油果嘅味道..而吞拿鱼粒粒应该就有腌制过所以系些少偏咸嘅..但系夹埋脆口嘅莲藕片一齐食嘅话就啱啱好嘞～
🤫 横掂都介绍咗咁多..顺便提一提..Weekend嘅话呢度Lunch Time多人到爆..系好似我咁样平日嚟先至可以玩Walk In..想嚟试嘅都系打电话Book位稳阵啲..佢哋呢度嘅猪仔Dishes其实真系几好😬
。。
翻兜指数：🙆🏻♀️🙆🏻♀️🙆🏻♀️ （5个🙆🏻♀️为翻兜爆灯）
💮已翻兜次数：3次💮
。。
张贴
