影片
更多
2023-11-16
662 浏览
介绍返💁🏻♀️。。🇭🇰 Cafe 在杏花邨 🇭🇰。走过十万八千里找到你 Some Day or One Day Cafe。杏花新城地下G41A号舖。午餐系列 Lunch Set日式原条鳗鱼意大利饭 Japanese Eel Risotto。HKD115 + 10%玫瑰果洛神花茶 Rose Hips Hibiscus Sabdariffa Tea。跟餐加 HKD18 + 10%带子蟹膏蟹肉意大利粉Spaghetti with Scallop & Brown Meat Cream Sauce。HKD128 + 10%柚香菠萝柠檬梳打Yuzu Honey with Pineapple and Lemon Soda。HKD36 + 10%🤫 正所谓食过返寻味..自从上次同同事仔试过过嚟杏花邨呢边食走过十万八千里找到你之后..同事仔就念念不忘..话好想过去杏花邨𠮶边散吓心同埋食吓好嘢..于是乎呢一日我哋又再次踏上征途..嚟到呢个被称为美食沙漠嘅杏花邨站食Lunch🤫 有咗上一次嘅经验..我哋以为可以休休闲过嚟开餐唔会话太多人排队..点知可能而家越嚟越多人知道呢度有间好嘢食..竟然十二点半嚟到就已
。
。
🇭🇰 Cafe 在杏花邨 🇭🇰
。走过十万八千里找到你
Some Day or One Day Cafe
。杏花新城地下G41A号舖
。
午餐系列 Lunch Set
日式原条鳗鱼意大利饭 Japanese Eel Risotto
。HKD115 + 10%
玫瑰果洛神花茶 Rose Hips Hibiscus Sabdariffa Tea
。跟餐加 HKD18 + 10%
带子蟹膏蟹肉意大利粉
Spaghetti with Scallop & Brown Meat Cream Sauce
。HKD128 + 10%
柚香菠萝柠檬梳打
Yuzu Honey with Pineapple and Lemon Soda
。HKD36 + 10%
🤫 正所谓食过返寻味..自从上次同同事仔试过过嚟杏花邨呢边食走过十万八千里找到你之后..同事仔就念念不忘..话好想过去杏花邨𠮶边散吓心同埋食吓好嘢..于是乎呢一日我哋又再次踏上征途..嚟到呢个被称为美食沙漠嘅杏花邨站食Lunch
🤫 有咗上一次嘅经验..我哋以为可以休休闲过嚟开餐唔会话太多人排队..点知可能而家越嚟越多人知道呢度有间好嘢食..竟然十二点半嚟到就已经要排队等位啦😧不过都好彩好快有得入座..然后今次我哋被安排坐喺近窗边嘅位置..呢度阳光晒到入嚟暖暖哋非常舒服
🤫 虽然上次我哋拣嘅𠮶个牛油果Risotto同三文鱼子Orecchiette真系好好味..但系我同同事仔都决定要试吓啲未试过嘅..发掘吓新大陆先得😎最后我哋决定要咗一个好多人拣嘅原条鳗鱼Risotto同一个睇个名都已经觉得几好味嘅带子蟹肉蟹膏Pasta Share食✌🏻务求可以样样都试吓～
🤫 咁原来散叫唔系叫午餐Set嘅话..夜晚黑会有餐汤跟返嘅..而日头竟然系送薯条㖞😮个粗薯条新鲜滚热辣上枱..当刻我真系觉得好笋..而最重要嘅系薯条仲要系跟埋一个整热咗嘅芝士酱上枱..喂呀～超好味啰🤤主菜都未嚟就已经忍唔住食咗大半篮薯条..点搞先🤭
🤫 隔一阵..主菜们都陆陆续续上枱..先讲下个Risotto..原条鳗鱼放喺意大利饭上边..一眼望埋去就已经觉得好澎湃..非常之有冲动想要即刻开动..鳗鱼食落好有肉感而且都好滑..食肉兽表示相当满意..而底下嘅Risotto亦都好有惊喜..佢唔系一般嘅茄汁底或者系白汁底嘅Risotto..而系用鳗鱼汁嚟做个Sauce㗎..同条鳗鱼真系衬到绝一绝㗎～同事仔钟意食到忍唔住一啖驳一啖唔停口😌
🤫 而我就偏好呢一个带子蟹肉蟹膏Pasta..蟹肉份量非常之多..几乎每一啖Pasta都食得到蟹肉同埋野菌洋葱..口感非常丰富..而且蟹肉鲜嫩多汁..然后𠮶两粒带子Size都算系几大..底面煎香内里刚刚熟..成件事好Juicy..意大利粉亦都系软硬适中..配埋个清清地嘅Sauce..食得我相当开胃😋
🤫 饮品方面..我今次拣嘅柚子菠萝梳打..杯梳打劲香浓劲足料..加上系有气嘅关系..成件事真系好gur..至于养生嘅同事仔就拣咗洛神花茶..热辣辣一大壶超抵饮..酸酸咪咪又有玫瑰香..佢话佢相当满足～
🤫 老实讲走过十万八千里找到你喺杏花邨呢一度开舖头其实真系造福咗千千万万嘅港岛居民🤣至起码我哋呢啲喺港岛返工嘅可以搭几个站地铁嚟哩个咁清幽成个世外桃源咁样嘅杏花邨度叹返餐先再返公司挨骡仔🥴
。。
翻兜指数：🙆🏻♀🙆🏻♀️🙆🏻♀️ （5个🙆🏻♀️为翻兜爆灯）
💮已翻兜次数：6次💮
。。
张贴
