影片
更多
2024-04-23
1987 浏览
介绍返💁🏻♀️。。🇭🇰 串烧放题 在观塘 🇭🇰。串烧屋 BBQ House。通明街54号地舖。串烧放题星期一至四 1700 ～ 1900 及 2100后。HKD198 + 10%1900 ～ 2130。HKD248 + 10%星期五至日 及 公众假期前夕 1700 ～ 1900 及 2100后。HKD218 + 10%1900 ～ 2130。HKD268 + 10%串烧牛肋条。牛西冷。厚切牛舌。蜜汁叉烧猪柳。泰式猪颈肉。海虾。多春鱼。鱼片头。鸡肉肠。芝士肠。迷你豆卜。鱼蛋。芝士狮子狗。龙虾丸。贡丸。鸡腿肉。牛筋丸。花枝丸。红肠网烧鸡肾。牛仔骨。厚烧玉子。蒜蓉烤蚝。蒜蓉烤青口。蒜蓉烤茄子。原条秋刀鱼。一口牛。安格斯牛肩肉。猪五花肉。汉堡扒。午餐肉。蟹柳。鸡中翼。鲭鱼。香草羊架炸物薯条。吉列生蚝。鱿鱼圈。吉列墨鱼角。吉列虾。唐扬鸡块。虾饼。鱼饼。棒棒饺子。香芋地瓜丸。脆皮香蕉。榴梿波波。芝麻波波。蚝油生菜。清酒煮蚬。炸双皮奶。椰汁流心球。串炸鹌鹑蛋。可乐饼。芝士虾球。芝士鱼条🤫 继续接龙游戏..寻日出咗观塘有我嘅「童年回忆」白咖喱猪扒饭..今日接返个地点「观塘」先.. 要介绍嘅系之前已经食
。
。
🇭🇰 串烧放题 在观塘 🇭🇰
。串烧屋 BBQ House
。通明街54号地舖
。
串烧放题
星期一至四
1700 ～ 1900 及 2100后。HKD198 + 10%
1900 ～ 2130。HKD248 + 10%
星期五至日 及 公众假期前夕
1700 ～ 1900 及 2100后。HKD218 + 10%
1900 ～ 2130。HKD268 + 10%
串烧
牛肋条。牛西冷。厚切牛舌。蜜汁叉烧猪柳。
泰式猪颈肉。海虾。多春鱼。鱼片头。鸡肉肠。芝士肠。迷你豆卜。鱼蛋。芝士狮子狗。龙虾丸。贡丸。鸡腿肉。牛筋丸。花枝丸。红肠
网烧
鸡肾。牛仔骨。厚烧玉子。蒜蓉烤蚝。蒜蓉烤青口。蒜蓉烤茄子。原条秋刀鱼。一口牛。安格斯牛肩肉。猪五花肉。汉堡扒。午餐肉。蟹柳。
鸡中翼。鲭鱼。香草羊架
炸物
薯条。吉列生蚝。鱿鱼圈。吉列墨鱼角。吉列虾。唐扬鸡块。虾饼。鱼饼。棒棒饺子。香芋地瓜丸。
脆皮香蕉。榴梿波波。芝麻波波。蚝油生菜。
清酒煮蚬。炸双皮奶。椰汁流心球。串炸鹌鹑蛋。
可乐饼。芝士虾球。芝士鱼条
🤫 继续接龙游戏..寻日出咗观塘有我嘅「童年回忆」白咖喱猪扒饭..今日接返个地点「观塘」先.. 要介绍嘅系之前已经食过一次..啱啱又翻兜咗次嘅「观塘」串烧屋🍢
🤫 我想话呢..自从上次带过小饭脚嚟串烧屋之后..佢好似爱上咗哩度🤔我都话我今次系第二次嚟食..但系饭脚竟然已经食咗第五次啦😮佢真系次次同同事饭聚或者朋友生日..人哋冇乜Idea就会带人哋嚟哩度😅真系痴咗线
🤫 位于民居位置嘅串烧屋劲有住家Feel..楼面老板一人担当多个角色..送嘢食清理枱面系佢..收银系佢Refill都系佢..虽然佢咁忙但你又唔会觉得佢招呼唔到..仲会时不时提醒我哋啲丸再转落去会㶶啦🤣等等..有啲窝心🤭
🤫 上次贪壮观场面..癫咗咁样样串烧都叫一双..不过今次醒啦～有咗上次嘅经验..一开波我哋就叫自己钟意食嘅嘢..个人觉得串串嚟讲必要叫嘅系迷你豆腐卜同埋鱼片头..呢两样都可以越烧越脆口..豆腐卜烧到最干身嘅时候放入口真系会一咬落去碎开晒好似薯片咁☺️至于鱼片头烧到咁上下变得外脆内软真系越食越想食🤤
🤫 另外我哋会疯狂Encore嘅串烧当然唔少得海虾串烧同花枝丸串烧啦..海虾只只有返咁上下大细..烧完啖啖肉..花枝丸质素本身就够好..烧香咗入口一流
🤫 望住啲串烧喺个炉上边转吓转吓成件事真系好鬼疗愈之余..因为个炉嘅火力十足令到我哋好轻易就可以烧得一手好菜式..到今次第二次食都仲系觉得好Amazing..究竟边个咁聪明发明哩种自转串烧炉㗎呢～
🤫 肉类串烧..饭脚仔最钟意食嘅系蜜汁叉烧同鸡髀肉..佢话欣赏个叉烧蜜汁入味甜度适中..叉烧仲要系半肥瘦..再加上自转嘅串烧令到叉烧烧得非常均匀兼带有些少脆口..然后鸡髀肉估唔到肥美Juicy..唔使点啲咩汁都够好味👍🏻
🤫 网烧方面其实都真系几多选项可以拣..但系我哋目标为本..主打食佢哋嘅牛肩肉..薄薄一片前后焫五六下就食得..然后今次仲试咗佢哋嘅汉堡扒同埋蒜蓉青口..青口都几好味..但系汉堡扒就略嫌粉咗少少
🤫 煮物炸物方面..今次醒啦～冇再乱咁嗌咁热气嘅嘢食..主要都系翻兜再翻兜清酒煮蚬..虽然啲蚬唔系话好大只..不过胜在每次都俾得份量多..而且都吐沙吐得几好同埋清酒味都香..然后今次仲试咗佢哋个日式棒棒饺子..感觉似系用气炸锅整嘅..相对唔会太油腻亦都保持到脆口兼且入边嘅菜肉馅料Juicy
🤫 哎～仲有..雪柜自取嘅冷盘同埋蔬菜类都好受欢迎..冻嘅腐皮麻酱豆腐同埋爽口微辣嘅酸萝卜我都食咗两三兜..而不得不提嘅就系呢度嘅锡纸烧粟米粒粒真系几好食..虽然烧呢个粟米粒粒需时比较长些少..但系入边嘅甜味牛油各样都已经一早调好..一㨴开就香气扑鼻..我哋两个都觉得呢个系必食嘅
🤫 最后顺便讲埋佢哋啲嘢饮..普通嘅可乐雪碧等等汽水都一定有㗎啦..然后佢哋有自己冲制嘅几种唔同嘅茶饮..饭脚仔最钟意饮佢哋呢度嘅菊花蜜..甜度适中而且感觉好似好清热气..次次嚟都饮返一两Jar先走🤭而我自己就钟意饮佢𠮶啲无糖乌龙茶..茶胆好够浓..饮落好醒神..仲觉得可以消滞添..除咗以上两个饮品..佢哋仲有鸭屎柠檬茶薏米柠檬水..罗汉果茶同埋洛神花..普通放题都冇佢哋咁有心机自己整..而且无论星期几嚟都好..每人都系三百有找可以落楼..真心价廉物美～
。。
翻兜指数：🙆🏻♀️🙆🏻♀️🙆🏻♀️ （5个🙆🏻♀️为翻兜爆灯）
💮已翻兜次数：2次💮
。。
张贴
