影片
更多
2024-05-29
664 浏览
介绍返💁🏻♀️。。🇯🇵 Omakase 在北角 🇯🇵。鮨宏 Hiro Omakase。威邦商业中心地下13号舖。福 Fuku 。HKD880 + 10%🤫 我哋预早咗些少Around十一点九十左右到达..咁鮨宏舖头仔细细..装修都冇乜点..系干净企理寿司吧枱L字型..得十个位𠮶种..而特别就特别在寿司由师傅一人主理..感觉好有日本传统会席Feel𠮶种要准时等齐人一齐开席咁😆🤫 等开席𠮶十零分钟..师傅一边准备食材一边同我哋闲谈吹水..倾倾吓..师傅倾得兴起静静鸡请我哋食佢自家制嘅鳗鱼脆骨同炸粟子😍喂～好脆口好惹味㖞..师傅即刻话系用好靓嘅油自家炸先做到咁香脆干身㗎咁话㖞🤫 正式开波..先嚟系四色时令刺身..由淡至浓.. 先系野生平政鱼配以酸汁调味..野生嘅平政鱼有别于饲养嘅..肉质更加弹牙而且淡淡鱼香带微微嘅清甜..师傅叫我哋先食一块完全唔加调味嘅..然后层层递进咁样卷上紫苏花..再轻Dip酸汁同葱花..相当讲究..试晒三种口味ss🤫 第二三个刺身系成餐最Impress嘅..分别系啖啖肉又超鲜味嘅松叶蟹肉配蟹醋&金莲叶同埋劲厚肉鲜甜嘅象拔蚌刺身..真系食得出𠮶种不时不食嘅真理☺️松叶蟹肉
。
。
🇯🇵 Omakase 在北角 🇯🇵
。鮨宏 Hiro Omakase
。威邦商业中心地下13号舖
。
福 Fuku
。HKD880 + 10%
🤫 我哋预早咗些少Around十一点九十左右到达..咁鮨宏舖头仔细细..装修都冇乜点..系干净企理寿司吧枱L字型..得十个位𠮶种..而特别就特别在寿司由师傅一人主理..感觉好有日本传统会席Feel𠮶种要准时等齐人一齐开席咁😆
🤫 等开席𠮶十零分钟..师傅一边准备食材一边同我哋闲谈吹水..倾倾吓..师傅倾得兴起静静鸡请我哋食佢自家制嘅鳗鱼脆骨同炸粟子😍喂～好脆口好惹味㖞..师傅即刻话系用好靓嘅油自家炸先做到咁香脆干身㗎咁话㖞
🤫 正式开波..先嚟系四色时令刺身..由淡至浓.. 先系野生平政鱼配以酸汁调味..野生嘅平政鱼有别于饲养嘅..肉质更加弹牙而且淡淡鱼香带微微嘅清甜..师傅叫我哋先食一块完全唔加调味嘅..然后层层递进咁样卷上紫苏花..再轻Dip酸汁同葱花..相当讲究..试晒三种口味ss
🤫 第二三个刺身系成餐最Impress嘅..分别系啖啖肉又超鲜味嘅松叶蟹肉配蟹醋&金莲叶同埋劲厚肉鲜甜嘅象拔蚌刺身..真系食得出𠮶种不时不食嘅真理☺️松叶蟹肉一梳梳混合超提鲜嘅蟹醋啫喱放入口..𠮶种令人感动嘅味道行匀所有味蕾🤩而讲究位系师傅要我哋留最后一啖蟹肉用的的骰骰嘅金莲叶包住放入口..金莲叶自带嘅轻轻辛辣味犹如一种天然清新嘅调味Refresh我哋嘅口腔😌
🤫 然后最后一个刺身系矶煮鲍鱼配师傅即场调味嘅肝酱饭..鲍鱼有两大片..又系劲厚肉..弹牙但系一啲都唔韧..而且𠮶种矶煮系少有嘅令我觉得唔会太过甜嘅味道..问返师傅先知原来佢系用几种酱汁同Sake去完成整个蒸煮过程..而鲍鱼底下嘅肝酱饭亦都唔系简单嘅料理..师傅话佢喺烹调鲍鱼嘅同时提取咗鲍鱼嘅肝酱加以调味再即席混合埋寿司醋饭制作而成..一片鲍鱼再加一啖肝酱饭..口感变化多咗..味道亦都变得更加鲜味..真心觉得鮨宏嘅Omakase入边每一道菜都系𠮶种琐碎但系讲究嘅料理
🤫 然后就系外表非常之简单嘅三文鱼籽茶碗蒸..开头谂住平平无奇冇乜特别..加咗几粒三文鱼籽确实系鲜甜好多..点知越食越有..问师傅先知道..𠮶种鲜甜唔单止系三文鱼籽嘅鲜甜..入边原来仲有海胆同埋爽口嘅粒贝加埋好多嘅鸡肉粒粒..除咗海鲜嘅鲜味仲带有鸡嘅精华..除咗鲜甜都仲系鲜甜😳
🤫 即刻嚟嘅寿司部份～第一件系平政鱼寿司..咬口依然系弹牙..味道清甜..再一次由淡口开始..然后就系劲新鲜嘅赤贝寿司..赤贝相当重份量..好厚身好大只..爽口甜美..一放落口就知新鲜☺️
🤫 之后就系好少唔需要火炙..味道都非常浓郁油脂满满嘅右口鱼群边寿司..据师傅讲要真系好肥美嘅右口鱼先可以做到唔使火炙都渗满鱼油香气㗎🤤
🤫 第四件寿司系用粉红岩盐轻轻调味嘅帆立贝寿司..帆立贝大大粒唔再讲..最特别系彰显到师傅嘅刀工..帆立贝切成花形幼条..口感同平时食嘅好唔同..估唔到简单嘅帆立贝都可以做到咁有创意
🤫 再嚟就系啖啖肉嘅甜虾寿司..两只甜虾都有手指咁粗..𠮶种鲜甜比起平时食细细条嘅真系非常之有落差感..𠮶种甜味系会齿颊留香㗎😌
🤫 第七件系肥美到黐咗线嘅大拖罗寿司..𠮶下好搞笑..咁师傅系两件两件咁样送去俾唔同嘅食客嘅..然后你会听到两个两个食客咁样赞叹𠮶一件大拖罗嘅肥美..感觉好似系睇演唱会做人浪效果咁..忍唔住同W猪笑咗🤣
🤫 赞叹声一浪接一浪😆之后呢件虽然都系拖罗..但系成个味觉感官都好大分别..讲紧嘅就系呢件火炙大拖罗寿司..呢件火炙大拖罗寿司睇落简直系好似啲人帮寿司影写真𠮶种靓样..𠮶啲鱼嘅脂肪纹理出晒嚟..靓到呢～再加上入口𠮶下..我唔识形容..已经谂唔到更加贴切嘅形容词..总之就肥美到癫咗啦🤤
🤫 而最后一件寿司..系爆晒出嚟嘅海胆海苔寿司..啲海胆多到跌咗啲出嚟我个手心🤣多都唔系重点..重点系好甜呀～明明呢个时候都未系海胆最肥美嘅时候..但系呢板赤海胆真系鲜甜到不得之了..再加上𠮶块紫菜劲脆口㖞..呢一下系大家都静咗..系用个心去享受呢一件海胆寿司🥳
🤫 寿司部份就系咁圆满结束咗..唔好以为成件事就系咁简单..之后嘅汁物系放埋乌冬喺入边嘅鱼汤..一开始觉得有啲古怪..点解会喺个汤度放埋乌冬呢🤔原来师傅认为放埋少量嘅乌冬落去鱼汤入边就能够令鱼汤嘅精华都吸埋入去..真系一滴都唔好嘥呀..好欣赏鮨宏嘅𠮶种独到嘅料理..暂时都未试过其他鮨店有呢个咁强烈嘅感觉
🤫 就连最后嘅甜品都极之有惊喜..同一般嘅饿吗家姐好唔同嘅系鮨宏嘅甜品相当之别出心裁..平时𠮶啲顶多俾两件水果加一球雪糕咁样就已经算系好有心嘞..而呢度嘅甜品系三色拼盘嚟㗎🤩又系由淡至浓..分别系柑果啫喱..真系喺个橙皮上边嘅啫喱☺️少少酸少少甜相当清新嘅感觉..然后就系我觉得需要重点推介嘅豆腐Cake..豆腐部份口感有啲似布甸..师傅话佢试过好多种日本嘅豆浆都做唔到佢想要嘅呢种浓郁豆味..最后佢决定自己买黄豆自己磨再整成而家嘅呢个豆腐Cheese Cake..滑溜嘅豆腐布甸下边有芝士蛋糕𠮶种饼底..真系好好味㗎😋而最后亦都系三个甜品里便最甜嘅..就系水蜜桃啫喱..虽然话系最甜..但系𠮶个甜度系我可以接受到嘅..呢个甜品都系差唔多十个食客都一致赞赏㗎～
🤫 哎～顺带一提..师傅见我咁好倾..请咗我饮杯佢自家酿制嘅果酒..佢话今期嘅果酒系用咗当造嘅福冈士多啤梨配Whiskey..仲有用Vodka浸酿冲绳菠萝..唔钟意士多啤梨嘅我梗系拣菠萝味啦🤭果酒入口顺滑..酒精浓度好鬼高..但系配落刺身咪吓咪吓咁又几过瘾㖞(W猪就无福消受..大肚妈妈冇得饮😬)大家如果过嚟帮衬..试吓同师傅沟通多啲😳佢会忍唔住请你饮请你食😆
。。
翻兜指数：🙆🏻♀️🙆🏻♀️🙆🏻♀️（5个🙆🏻♀️为翻兜爆灯）
。。
张贴
