影片
更多
2024-08-21
1815 浏览
介绍返💁🏻♀️。。🇯🇵 Food Court 在尖沙咀 🇯🇵。日本美食横町 Showaki Food Town。新港中心2楼。🥩 鉄板•瀛 🥩昼定食 Set Lunch鸡腿扒 Chicken Leg 180g。HKD138 + 10%套餐附送：是日餐汤、沙律、炒饭及甜品🍣 鮨爱 🍣香葱吞拿鱼腩寿司 Fatty Tuna with Spring Onion Sushi。HKD24 + 10% @ Each海胆寿司 Sea Urchin Sushi。HKD48 + 10% @ Each🍢 天鸟 居酒屋 🍢鸡皮 Chicken Skin。鸡肾 Chicken Kidney。HKD32 + 10% @ Each🍰 桃子のBakery 🍰焙茶牛油蛋糕 Hojicha Butter Cake。HKD38🤫 究竟我系咪唯一一个咁迟先知道原来尖沙咀开咗间咁多嘢食咁鬼IGable嘅美食广场㗎‼️话说寻日Lunch Time约咗去剪头发..同发型师倾开偈问佢附近有乜好食..佢就煞有介事咁同我讲话新港中心𠮶边开咗个好有特色嘅日本Food Court可以去试吓..就系咁～恤完个靓发我就施施然过去呢个位于新港中心
。
。
🇯🇵 Food Court 在尖沙咀 🇯🇵
。日本美食横町 Showaki Food Town
。新港中心2楼
。
🥩 鉄板•瀛 🥩
昼定食 Set Lunch
鸡腿扒 Chicken Leg 180g
。HKD138 + 10%
套餐附送：是日餐汤、沙律、炒饭及甜品
🍣 鮨爱 🍣
香葱吞拿鱼腩寿司 Fatty Tuna with Spring Onion Sushi
。HKD24 + 10% @ Each
海胆寿司 Sea Urchin Sushi
。HKD48 + 10% @ Each
🍢 天鸟 居酒屋 🍢
鸡皮 Chicken Skin。鸡肾 Chicken Kidney
。HKD32 + 10% @ Each
🍰 桃子のBakery 🍰
焙茶牛油蛋糕 Hojicha Butter Cake
。HKD38
🤫 究竟我系咪唯一一个咁迟先知道原来尖沙咀开咗间咁多嘢食咁鬼IGable嘅美食广场㗎‼️话说寻日Lunch Time约咗去剪头发..同发型师倾开偈问佢附近有乜好食..佢就煞有介事咁同我讲话新港中心𠮶边开咗个好有特色嘅日本Food Court可以去试吓..就系咁～恤完个靓发我就施施然过去呢个位于新港中心二楼叫做日本美食横町嘅地方探险🧐
🤫 发型师果然冇老点..呢度地方好大..几乎成个空间都系以昭和时代作为主题..系𠮶种香港少见..靓到每个角落都值得打卡嘅Food Court😬但系喺打卡之前我决定要好好咁样喺呢度行一个圈..研究吓呢度有啲乜好食先😏
🤫 然后我迅速发现呢度竟然有成足足十一间唔同嘅日本料理嘅选择咁多😲如果由正门𠮶边开始数起..先系最出边嘅每个礼拜都有几晚Live Music嘅Takumi Whisky Bar..然后就系食串烧饮酒嘅天鸟居酒屋..再行入啲..你嘅右手边就有i.Ramen啦..瀛.铁板烧啦..食Shabu Shabu或者陶瓷烧嘅松坂家..左手边就有好多靓靓蛋糕同埋Gelato嘅桃子のBakery..隔篱就系有便当轻食嘢饮卖嘅昭和商店同埋食寿司嘅鮨爱..再再行到成个广场最后边就系自设好多个海鲜鱼缸..可以即捞即烧嘅海宝水产..最后嘅最后..行返去出口𠮶边就有成个美食横町最受欢迎嘅石田屋Cafe同埋预约困难嘅原鉄道咖啡店(睇嚟我啲记性都几好🤪)
🤫 净系欣赏成个横町嘅设计同研究佢哋嘅嘢食都用咗我成十分八分钟(都未计打卡拍片影相🤭)最后选择困难症嘅我决定入去鉄板•瀛𠮶度享受一个铁板嘅午餐先再讲～
🤫 讲真..位于尖沙咀一个咁繁荣嘅地方..仲要咁不惜工本打造一个咁靓嘅昭和时代美食街..入边有一间装修得又系好有格调嘅铁板烧..仲要系有专人喺你面前烹调嘅一个午餐..竟然都只不过系卖紧百五蚊有找..唔讲其他嘢..净系以上种种个人都真心觉得非常之性价比
🤫 我拣咗嘅系鸡髀肉铁板烧嘅午餐..师傅喺我面前即席将鸡髀肉煎香再打咗个洋葱芡汁..同一时间侍应姐姐们将跟餐嘅面豉汤沙律前菜同埋调味料等等送上..不得不摄一句..佢哋全部Staff嘅服务态度都好好👍🏻呢啲嘢喺细微位就可以留意到..譬如系佢俾咗个QR code我落单之后仲会好有礼貌咁样加多句..其实你谂到想食乜嘢叫我落单都可以㗎😌(喂呀～前排先睇到讲紧某啲餐厅侍应觉得有QR code就唔应该揾佢哋人手落单之类嘅负评..即刻成个人都俾佢哋嘅服务态度Impress到)..就系连添茶添水都非常之细心周到👍🏻有阵时食嘢..嘢食好唔好味当然重要..但系啲Staff有Heart先至最可以留得住啲客🙆🏻♀️
🤫 讲返嘢食先～师傅两三下手势就已经将非常之嫩滑嘅鸡髀肉煎好..配埋洋葱汁相当之惹味开胃..再加上跟餐嘅蛋炒饭成件事非常之丰富而且满足😌真心同某啲贵价专食铁板烧嘅餐厅唔差得远
🤫 事情系咁嘅..翻返去我仲喺度犹豫不决究竟要去食铁板烧定一话去鮨爱食寿司好𠮶阵..有善嘅侍应妹妹就过嚟讲咗个惊为天人嘅资讯俾我知😲原来佢哋个QR code系可以落埋哩度另外三间餐厅嘅Order㗎‼️嘢食Ready仲会有专人送上门添呀🤩呢个设计好正㖞～好适合选择困难又为食嘅我去笃唔同嘅嘢..然后他他条条咁等食呀😎你话𠮶区区嘅加一系咪抵俾先
🤫 系㖞～喺呢度题外话一下先..我要帮佢澄清一下..净系入去有人Serve你嘅餐厅入边坐低食先至需要俾加一㗎咋😬坐喺出边自己Order自己拎𠮶啲系唔使俾加一㗎😳可能我讲得唔够清晰..唔好吓亲大家～
🤫 即刻嚟讲返嘢食先🍣寿司叫咗两件军舰..分别系拖罗蓉军舰同埋海胆军舰..佢系精致细细件𠮶啲寿司嚟嘅..拖罗蓉同寿司饭基本上系一比一..我就最钟意食啖啖肉㗎啦😇好正..然后海胆军舰嘅海胆高质劲鲜甜..简直系大满足～
🤫 仲有仲有..我仲叫咗天鸟居酒屋嘅烧鸡皮同埋烧鸡肾😂都烧得几唔错㖞～鸡皮烧得够干身够脆口..相当惹味😋 鸡肾呢～犀利就犀利在表面系干身香口嘅..但系入边Keep住都仲有啲爽口Juicy..如果过去𠮶边同朋友饮啤酒食串烧应该系一乐也㗎😙
🤫 真系讲出嚟都惊吓亲你..其实呢..食饱饱埋单之后我咪继续周围行吓揾吓地方影相拍片咁嘅..行到埋去桃子のBakery嘅时候..俾我发现佢哋竟然有焙茶牛油蛋糕😲所以咪..叫咗个嚟试吓啰🫣喂呀～坐喺属于Bakery嘅Area..啲枱枱凳凳都特别Elegant啲㗎..又系俾啲Staff Nice到..见我食件蛋糕咁Dry..斟咗杯暖水俾我🤯真系好Warm㗎～
🤫 蛋糕方面..佢唔系平时好软绵绵松泡泡嘅𠮶种蛋糕..而系相对实净啲有口感重啲嘅牛油蛋糕..焙茶味相当之香浓..焙茶控绝对应该去𠮶度试吓㗎👍🏻
🤫 嘢食方面呢大概就系咁多啦～差啲唔记得提及一下..呢度𠮶十一间餐厅入边..我已经决定下次一定要预先Book位去试吓听讲话预约好困难嘅原铁道咖啡店🚃佢哋出名就出名在成间Cafe都系以日本古董火车做主题㗎～点样形容好呢？外边睇就系一架古董火车泊咗喺个站头𠮶度..入到去餐厅又会见到另外两卡蓝色嘅古董火车..车厢入边嘅卡位配合好多个Keep住播放日本景色嘅电子屏幕..模拟真正嘅火车车厢咁样..喺呢度享受咖啡三文治或者Pasta就有如置身日本一样～就算你坐唔到入去火车入边嘅卡位..坐喺出边𠮶啲喺火车站月台嘅小圆枱位置又有另外一番风味㗎🎑
。。
翻兜指数：🙆🏻♀️🙆🏻♀️🙆🏻♀️🙆🏻♀️ （5个🙆🏻♀️为翻兜爆灯)
。。
张贴
