影片
更多
2024-10-17
604 浏览
介绍返💁🏻♀️。。🇯🇵 居酒屋 在湾仔 🇯🇵。滩五郷 Nadagogo。船街18号地下4号舖。午市定食 Lunch Set本日の刺身5种盛り定食 Daily Sashimi Set 。HKD328 + 10% 井には小钵. 渍物. 茶碗蒸し. 味噌汁が付きます。🤫 好日都唔使去湾仔一转嘅我寻日突然间要过去搞啲嘢..仲要搞到过晒Lunch Time都唔知..嗱嗱临行入去船街𠮶边睇吓有冇啲好嘢食可以慰劳吓自己🤭🤫 最后俾我宠幸咗嘅系呢一间叫做滩五郷嘅居酒屋😬呢间居酒屋环境装修以深黑色木色为主题..灯光稍微昏暗..但系中午时段仍然有充足嘅阳光由正面嘅落地玻璃同埋旁边一大排嘅窗晒入..感觉温暖舒适☀️座位方面..餐厅备有室内外空间..室内有几张四人枱喺餐厅嘅正前方..然后分别系一排串烧吧枱位同埋背后一列七个嘅窗边自闭座位..另外行到最入仲有间私隐度极高嘅房间🤫 肚饿得好交关所以迅速咁样扫视咗个Menu之后决定豪一豪佢..试吓佢哋成个Lunch Menu最贵𠮶个本日の刺身5种盛り定食氹吓自己开心🤪🤫 咁餐厅佢哋准备嘢食都需时嘅..大概十零分钟左右嘢食上枱..第一眼望埋去就觉得成个Set相当之丰富.
。
。
🇯🇵 居酒屋 在湾仔 🇯🇵
。滩五郷 Nadagogo
。船街18号地下4号舖
。
午市定食 Lunch Set
本日の刺身5种盛り定食 Daily Sashimi Set
。HKD328 + 10%
井には小钵. 渍物. 茶碗蒸し. 味噌汁が付きます。
🤫 好日都唔使去湾仔一转嘅我寻日突然间要过去搞啲嘢..仲要搞到过晒Lunch Time都唔知..嗱嗱临行入去船街𠮶边睇吓有冇啲好嘢食可以慰劳吓自己🤭
🤫 最后俾我宠幸咗嘅系呢一间叫做滩五郷嘅居酒屋😬呢间居酒屋环境装修以深黑色木色为主题..灯光稍微昏暗..但系中午时段仍然有充足嘅阳光由正面嘅落地玻璃同埋旁边一大排嘅窗晒入..感觉温暖舒适☀️座位方面..餐厅备有室内外空间..室内有几张四人枱喺餐厅嘅正前方..然后分别系一排串烧吧枱位同埋背后一列七个嘅窗边自闭座位..另外行到最入仲有间私隐度极高嘅房间
🤫 肚饿得好交关所以迅速咁样扫视咗个Menu之后决定豪一豪佢..试吓佢哋成个Lunch Menu最贵𠮶个本日の刺身5种盛り定食氹吓自己开心🤪
🤫 咁餐厅佢哋准备嘢食都需时嘅..大概十零分钟左右嘢食上枱..第一眼望埋去就觉得成个Set相当之丰富..除咗相当之吸引我眼球嘅刺身5种盛之外仲有必须嘅白米饭啦..面豉汤啦..茶碗蒸啦..一份细小嘅渍物同一份前菜..摆盘之靓靓😌令到肚仔饿到爆嘅我都忍唔住打咗好几张卡先至开动～
🤫 成个餐嘅主角刺身五盛绝对冇令我失望..曾经一到怀疑呢一间睇落似系主打串烧嘅居酒屋究竟可唔可以提供到质素高嘅刺身呢？原来我嘅担心系非常之多余㗎..我敢讲佢哋嘅刺身质素达到食Omakase嘅鮨店嘅质素..五种刺身分别系..质地紧致弹牙..带有淡淡鱼香嘅平政鱼👍🏻常见得嚟味道非常之浓郁嘅中拖罗厚切..爽口鲜甜超级大粒嘅原粒帆立贝..甜美弹牙嘅赤虾同埋侍应哥哥讲完我转个头就唔记得咗嘅𠮶只炙烧过..油脂爆晒出嚟嘅唔知咩白身鱼..真心系五只刺身都系咁新鲜好味..要俾一个赞👍🏻
🤫 然后主角以外嘅配角都同样重要..渍物分别系牛蒡渍同埋柴渍酱菜..送饭一流～前菜就系有啲麻酱味嘅莲藕野菌红萝卜丝嘅冷盘..面豉汤就系正常水准嘅赤面豉汤..白饭就冇乜得讲啦..不过其实应该都系日本米嚟嘅..米饭味好香🤭
🤫 配角里面重点想赞就系佢哋嘅𠮶一个茶碗蒸..虽然份量就真系唔多嘅..茶碗蒸个杯嘅半个左右啦..不过入边嘅蒸蛋系超级之滑之余..佢系用上新鲜蟹肉同埋蟹籽去制作呢一个蒸蛋㗎..𠮶啲蟹嘅香味简直系融入晒成个蛋里面..呢个真系食到我舔舔脷👅
。。
翻兜指数：🙆🏻♀️🙆🏻♀️🙆🏻♀️🙆🏻♀️（5个🙆🏻♀️为翻兜爆灯）
。。
张贴
