影片
更多
2024-12-17
173 浏览
介绍返💁🏻♀️。。🇨🇳 川式串烧 在将军澳 🇨🇳。小野人 KOKA。MONTEREY Place地下G25A号舖。大漠烤羊肉串。HKD48 + 10% @ 五串一份蒜蓉烤茄子。HKD48 + 10% @ 每份蒜蓉粉丝烤扇贝。HKD42 + 10% @ 每只烤海中虾 。HKD39 + 10% @ 三串一份蒜蓉烤生蚝。HKD36 + 10% @ 每只烤鸡软骨 / 烤脆鸡皮 / 烤鸡肾 。HKD32 @ 每串烤西班牙黑豚五花 / 烤鸡肉串。HKD28 + 10% @ 两串一份烤封门柳牛肉串。HKD28 + 10% @ 每串元气森林水果茶。HKD48 + 10%🤫 今次帮衬呢间其实都喺屋企附近开咗好一段日子..但系就从来都未入过去..讲紧嘅就系位于将军澳海滨呢一边..同Donki同一个商场嘅地舖..佢叫做小野人KOKA～🤫 餐厅地方都几大㗎..而我个人就好钟意佢呢种北欧风格..奶茶色为主调配浅木色桌椅嘅装潢设计..成个感觉令人好舒适..好有居家嘅感觉～🤫 我哋就拣咗坐喺角落头位置方便倾偈唔好阻住人..然后用QR code落单～咁入嚟帮衬之前都已经知道呢度嘅嘢食全部都系细细一串咁样嘅..所以经
。
。
🇨🇳 川式串烧 在将军澳 🇨🇳
。小野人 KOKA
。MONTEREY Place地下G25A号舖
。
大漠烤羊肉串。HKD48 + 10% @ 五串一份
蒜蓉烤茄子。HKD48 + 10% @ 每份
蒜蓉粉丝烤扇贝。HKD42 + 10% @ 每只
烤海中虾 。HKD39 + 10% @ 三串一份
蒜蓉烤生蚝。HKD36 + 10% @ 每只
烤鸡软骨 / 烤脆鸡皮 / 烤鸡肾 。HKD32 @ 每串
烤西班牙黑豚五花 / 烤鸡肉串
。HKD28 + 10% @ 两串一份
烤封门柳牛肉串。HKD28 + 10% @ 每串
元气森林水果茶。HKD48 + 10%
🤫 今次帮衬呢间其实都喺屋企附近开咗好一段日子..但系就从来都未入过去..讲紧嘅就系位于将军澳海滨呢一边..同Donki同一个商场嘅地舖..佢叫做小野人KOKA～
🤫 餐厅地方都几大㗎..而我个人就好钟意佢呢种北欧风格..奶茶色为主调配浅木色桌椅嘅装潢设计..成个感觉令人好舒适..好有居家嘅感觉～
🤫 我哋就拣咗坐喺角落头位置方便倾偈唔好阻住人..然后用QR code落单～咁入嚟帮衬之前都已经知道呢度嘅嘢食全部都系细细一串咁样嘅..所以经过商量之后决定猪牛羊鸡同埋海鲜样样都嗌啲咁样啦～
🤫 我哋一人嗌咗一杯佢哋嘅水果茶..呢杯嘢大杯都好紧要..直头系Hoegaarden𠮶个Size..真心系几抵饮..同埋嗌一杯就已经足够成餐晚饭..绝对唔使悭住饮😛而且相当之足料..有齐蓝莓青柠柠檬菠萝士多啤梨热情果..味道酸酸甜甜非常之解渴..边饮边食串烧呢啲热气嘢就最啱啦～
🤫 烧烤方面..海鲜尤其是系贝类相当之突出..生蚝同帆立贝都好新鲜..生蚝够Juicy..帆立贝自带鲜甜味..而且调味上亦都恰到好处..最紧要系两只海鲜嘅Size都好适中..唔会话太细只🦪
🤫 再嚟就讲吓一串串..佢哋呢度主打系细细串嘅羊肉串..我自己就唔食羊嘅..不过阿G都叫咗一份五串嚟试吓..佢话同佢返大陆食嘅一样咁惹味..做法调味都几正宗..而且羊嘅臊味都几重..重口味嘅羊肉爱好者一定要嚟试吓🤝🏻
🤫 我自己就比较欣赏佢哋呢度嘅鸡类串烧..鸡肉串嘅鸡肉好嫩滑..一啖一串好方便..鸡软骨串嘅鸡软骨粒粒都有啲爽肉包裹住软骨..所以成个咬口都好唔错..系我最钟意食嘅其中一个串烧..然后鸡肾爽口唔韧..鸡皮亦都烧得够干身脆口
🤫 再嚟我觉得个封门柳同埋海虾串烧都好唔错..唔好睇串封门柳好深色咁..其实咬口都几嫩滑..而且牛味都几浓..至于海虾串每一只都大大只..虾肉弹牙爽口..配埋餐厅自家嘅调味..辣辣地都几惹味🦐
🤫 至于我哋叫嘅唯一一个蔬菜就系佢呢度都好推介嘅蒜蓉烤茄子..茄子唔算大只两个人食啱啱好..同出边嘅烤茄子有些少唔同..KOKA将茄子烤到啱啱好..就连茄子皮都食得..唔会话好似出边啲烧烤店咁样烤到啲皮㶶晒只系可以食肉..唯一就系佢哋嘅猪五花串烧..可能因为块肉太过薄..烧得耐咗就会过咗火位变得有啲韧口
🤫 整体嚟讲我哋两个都好欣赏佢呢度每枱都放有一个烤炉帮忙庆住啲嘢食..咁样就算我哋挂住倾偈食得慢..但系嘢食都可以保持到应有嘅温度同埋质素🍢
。。
翻兜指数：🙆🏻♀️🙆🏻♀️🙆🏻♀️（5个🙆🏻♀️为翻兜爆灯）
。。
张贴
