大雲吞麵食 (已搬遷) 新店位置

今日入元朗shopping，下雨后又阳光猛烈，行咗一轮又热又口渴，想揾地方遏脚，就喺老婆饼家对面见倒呢间舖，其实唔喺第一次嚟，不过上次比我嘅感觉净喺得个平字，但喺呢次食后就观感改变咗，所以都推介吓。我地叫咗呢度嘅招牌菜：云吞面& 水饺面，另加通菜和豆浆。豆浆好大杯都喺四蚊鸡，好有豆味，饮后即时解渴。云吞水饺依然大大粒，虾都好多，新鲜爽口，Ｄ面都喺爽口兼冇枧水味，青通菜略嫌粗硬，五蚊鸡喺咁喇。满眼望去，以长者居多，十四蚊一个套餐，有面有饮品，经济实为，现今所谓经济复苏下，仍然卖呢个价钱，真喺值得鼓掌支持。呢度都喺雇用Ｄ中年亚姐，落单上菜快手快脚，冇黑面，所以我几时都赞成Ｄ老板聘请成熟人氏总好过Ｄ黑面年青人。ps.今日喺pat pat新旧历同一日嘅生日﹝因为喺润月出生﹞，一生人祇得几次，认真难得，刚巧写食评，借此篇幅祝她生日快乐，身体健康，饮和食得。