糖老鴨 (已結業)

夜晚同fd跑完步口痕又去揾野食(完全系前功尽废)，见到呢间入面几多人食紧就入去试下。我地每人叫左唔同既款，一个心太软、两个奶冻加唔同配搭、仲有个系台式啲既芋圆凉粉。除左心太软要即焗等得比较耐之外，其他都好快到。试完哂觉得芋圆一般，可能个配搭埋凉粉对我黎讲有啲怪，奶冻好食有奶味，而且配既曲奇雪糕都好正。最惊喜既系心太软，试过喺出面食得个死甜，呢度佢地话用左75%既朱古力，甜中带苦，有层次好多，而且唔漏，食完都仲想食，绝对值得试下。