漢陽苑韓國料理 (已結業)

之前已经同朋友去过呢间到食, 觉得都ok因为可能果晚系咁吹水, 无咩点食野; 我地果晚食9点场, 加上果晚我地岩岩好7位送一位, 所以就更加平, 每人都唔驶$90; 所以琴晚就同另外既朋友再上去食, 点知,唉!!!有d失望因为d熟食唔够热, 全部冻冰冰, sushi就话者, 连d炸物都冻就真系有点儿那个喇; 烧烤既食物不过不失喇; 饮品系其差- 豆浆无味既, 花茶阵味又怪怪地, 搅到我地请愿饮茶; 甜品选择少啰, d梨唔知切左几耐, 全部都黄澄澄, 卖相就真系差啦.. 侍应一系挂住吹水, 一系就挂住睇阿旺, 总之就唔好; 最后本人觉得最差就系佢既通风系统, 食完之后系十万个臭, 虽然不嬲食完韩烧都会有阵味, 但系就一定无呢间咁劲, 我点喷香水都无用, 系街行过都有d尴尬, 慌死d人唔知我岩岩食完韩烧黎...