影片
更多
2013-01-19
134 浏览
15/01/2013，黄昏六点零，我同朋友去呢间分店食团购二人餐，果阵得小猫三四只，揾个位坐低，点好个二人餐。我地要咗蒸粉卷、三丝汤河、香茅鸡扒饭、蒜蓉炒生菜、热姜蜜同埋热话梅蜜。我问杯饮品可唔可以后上，短发侍应大姐佢话: 冇架㖞，一定要一齐上既。咁我都明白小店费事同你跟单既，算啦。原来佢地系用不锈钢保温杯既，冇问题。但杯野甜到晕，杯柄又痴立立。我请侍应大姐同我加D热水，佢只系拎起一杯柜面早就倒好咗既水，再加D热水入去俾我，仲要只系一杯咁大把，等我地两份分。我地加咗入去杯饮品度，咩都唔热啦，仲唔暖晒咩?好啦，汤河先上场，哗，都几咸㖞，我冇出声，或者朋友觉得啱味呢？但入面真系得好少粉，D汤盖过一切。跟住黎碟饭，鸡扒切到几碎下，冻冰冰，又干又柴，唔通一早整定摆咗好耐? 而D饭呢，极其量只系暖架咋。碟炒菜份量好细，但都叫做热既。蒸粉卷系四方形既，即系一人半条粉卷既份量。好奇怪，件粉卷虽然好热，但个底就硬掘掘既，好似包好咗好耐，放得耐得滞，底部既皮干晒先拎去蒸咁。呢个二人餐只系$68唧，实在都唔可以要求D咩既。老实讲，咁既份量，又真系唔多饱，拎个餐牌睇下，我地再叫咗碟咸鱼炒杂菜同一客生菜包($
我地要咗蒸粉卷、三丝汤河、香茅鸡扒饭、蒜蓉炒生菜、热姜蜜同埋热话梅蜜。
我问杯饮品可唔可以后上，短发侍应大姐佢话: 冇架㖞，一定要一齐上既。咁我都明白小店费事同你跟单既，算啦。
原来佢地系用不锈钢保温杯既，冇问题。但杯野甜到晕，杯柄又痴立立。我请侍应大姐同我加D热水，佢只系拎起一杯柜面早就倒好咗既水，再加D热水入去俾我，仲要只系一杯咁大把，等我地两份分。我地加咗入去杯饮品度，咩都唔热啦，仲唔暖晒咩?
好啦，汤河先上场，哗，都几咸㖞，我冇出声，或者朋友觉得啱味呢？但入面真系得好少粉，D汤盖过一切。
跟住黎碟饭，鸡扒切到几碎下，冻冰冰，又干又柴，唔通一早整定摆咗好耐? 而D饭呢，极其量只系暖架咋。
碟炒菜份量好细，但都叫做热既。
蒸粉卷系四方形既，即系一人半条粉卷既份量。好奇怪，件粉卷虽然好热，但个底就硬掘掘既，好似包好咗好耐，放得耐得滞，底部既皮干晒先拎去蒸咁。
呢个二人餐只系$68唧，实在都唔可以要求D咩既。
老实讲，咁既份量，又真系唔多饱，拎个餐牌睇下，我地再叫咗碟咸鱼炒杂菜同一客生菜包($56)。点知转头又话冇咸鱼炒杂菜，要我地点马拉盏炒通菜($42)，是但啦，其实呢两碟野加埋，已经贵过个团购餐好多架啦。点知上台既炒通菜，份量少都算啦，好似竹签咁粗既菜茎，都竟然系好老既。生菜包呢，就系一块唐生菜叶，兜住D肉碎，傍边再有三四块菜叶咁。隔离台既自由行娇娃，好奇想知我地碟生菜包系咩黎，问侍应哥哥仔，佢争D唔识答。
其实当时只系进入晚餐时段，但我听到厨房已经话冇晒河粉啦。我地既食具，得返只碗同筷子，碟生菜包上台时，个侍应竟然唔为意应该俾只匙我地毕肉碎。要我开口问，先拎俾我，服务质素真系差劲。朋友话：乜佢地唔系做紧推广架咩？咁既服务质素，唔系倒米系咩呀？
张贴