煲仔榮記 (已結業)

今日同表弟去旺角行街，谂住去食下午茶，跟手就带佢去食一间好出名嘅餐厅「荣记煲仔」其实呢间嘢已经系第二次食,第一次冇post因为真系唔系咁好味，因为呢间舖系新开嘅分店啲嘢未到位我都觉得情有可原，今次第二次食啲嘢食都唔系太好味，今次都系点咗佢最出名嘅沙爹牛肉煲仔面，味道系好浓，不过咸得济，要自己加水捞淡少少蕃茄浓汤牛肉面，味道一般，纯蕃茄味，欠缺层次感，最后自己加啲虾油同蒜蓉油，味道先出返嚟。老实讲呢间嘢除咗装修系颇有特色之外，嘢食真系一般般，而且款式唔多选择。呢个怀旧特色嘅装修值得一赞如果大家唔介意食物嘅味道纯粹想怀旧一下香港嘅特色大排档可以去试下。我就唔会再去食第三次㗎啦。