NUTTEA (旺角中心第一座) (已結業)

系各个林林总总嘅台式茶饮/手摇饮品店中，一直都有听过nuttea 主打嘅系坚果奶，钙质丰富，今次终于系旺角中心分店试咗。呢度嘅款式都好多，有纯坚果奶、奶茶、奶盖或者纯茶无坚果奶加入都有。难得今日早嚟到紧系试吓有三粒星推荐又限量100杯嘅伯爵朱古力坚果奶盖茶🥹。甜度即拣咗微糖去冰，虽然系去冰但仍然好够冻，即使过咗30至45分钟先饮都够冰凉。卖相好精致，表面嘅奶盖加朱古力粉份量好多，奶盖好浓厚多层。口感亦软滑而浓郁，绝无空气感，味道唔会过甜，有充足嘅朱古力味又有好丰富坚果奶味，味道厚实得嚟唔会过份地甜同重奶味。伯爵茶即好香茶味，亦唔会好甜。整体上奶盖配上味道唔会过分浓郁嘅伯爵茶，令整体浓度啱啱好。