舞心拉麵 (已結業)

炎夏下午三点几，铜锣湾想食拉面，但见豚王喺呢个唔太繁忙嘅时间依然有十个八个年青人喺门外排队，粗身大细嘅我无谓同人逼，等等下笺中暑晕低累街坊… 直接行入舞心吧！点左个浓味猪骨汤拉面，即系黑蒜油+猪骨汤，店家称汤底用猪骨猪脑淆成，都真系好『滋补』㖞！但最令我惊艳嘅系佢片猪腩肉切成嘅叉烧，肥美得入口即溶… 好回味！面条，溏心蛋同配料中规中举。如果以八十几蚊呢个价钱，多几片叉烧就perfect!另外值得一赞嘅系服务：侍应一般会奉上冻茶，但佢地见到我就主动俾暖水… 多谢你地嘅观察力同埋热心，但我都系要冻茶