Amante Bar & Restaurant (已結業)

同十多年朋友去离岛玩乐，估唔到会响东涌随意揾到好地方。门面好吸引我，简单、木色，我至like！店面虽少，只有坐位二三十个，但俾我发现里里外外超过五个员工。今次因为得三个人，所以点咗巴马火腿薄饼、红酒鸡腿饭同卡邦尼天使面，头两个系set lunch有餐汤同餐饮。先上餐汤，椰菜唔系我favor，但加咗黑椒都几好饮，唔太cream、好滑，餐饮柠水就一般。薄饼好脆，火腿带油脂甘香。天使面芝士味清幽，绝对唔会觉得漏，配上蘑菇洋葱同烟肉，成件事立体哂。最后个饭就逊色咗啲，汁太多同浓啦，唔系我杯茶，鸡肉都比较overcooked。服务几好，侍应妹妹好亲切。整体good!