影片
更多
2023-04-15
916 浏览
订位之前知道佢系Under一间酒店集团，虽则唔系top-tier𠮶啲，但收得酒店中菜厅嘅价钱，就试吓啦。食完之后我要承认我低估咗OpenRice上关于佢哋服务嘅批评，佢哋嘅服务真系超差！！！超差！！！主要服务人员有四个人：一个类似高级少少嘅阿叔、一个金发阿叔、一个后生仔、一个主要上菜同收碟嘅阿姐金发阿叔可能平时做开茶记，点菜𠮶阵表现唔耐烦，好似佢想几时过嚟落单就几时咁，同埋成枱八九个人，佢只系识得畀一份餐牌，仲要甜品餐牌系收埋咗，要问先有，酒店经营？？类似高级少少嘅阿叔最有问题，埋单叫我签名𠮶阵竟然用只手指指一指张单再hea爆讲句「签名」，畀番张卡我𠮶阵冇讲「多谢哂」，呢个集团可唔可以请番啲有high end工作经验嘅人？或者佢只系求其喺街边执番嚟做替工？后生仔态度几好，影相仲好识do影多几张，有耐性阿姐喺食甜品收碟前唔问一吓人就收，但又要收剩咗一set，叫佢加啲热茶，佢就真系只加热茶，唔识加埋热水，其实壶茶侧边就系壶水😅一般酒楼嘅阿姐都识一次过加埋啦食物方面，叉烧、炸子鸡、龙趸、香芋炖蛋白都唔错嘅，其他就好普通，普通到食完都唔会记得，真心未去到米芝莲一星咁惊艳，如果畀得呢个酒店价钱食
主要服务人员有四个人：一个类似高级少少嘅阿叔、一个金发阿叔、一个后生仔、一个主要上菜同收碟嘅阿姐
金发阿叔可能平时做开茶记，点菜𠮶阵表现唔耐烦，好似佢想几时过嚟落单就几时咁，同埋成枱八九个人，佢只系识得畀一份餐牌，仲要甜品餐牌系收埋咗，要问先有，酒店经营？？
类似高级少少嘅阿叔最有问题，埋单叫我签名𠮶阵竟然用只手指指一指张单再hea爆讲句「签名」，畀番张卡我𠮶阵冇讲「多谢哂」，呢个集团可唔可以请番啲有high end工作经验嘅人？或者佢只系求其喺街边执番嚟做替工？
后生仔态度几好，影相仲好识do影多几张，有耐性
阿姐喺食甜品收碟前唔问一吓人就收，但又要收剩咗一set，叫佢加啲热茶，佢就真系只加热茶，唔识加埋热水，其实壶茶侧边就系壶水😅一般酒楼嘅阿姐都识一次过加埋啦
食物方面，叉烧、炸子鸡、龙趸、香芋炖蛋白都唔错嘅，其他就好普通，普通到食完都唔会记得，真心未去到米芝莲一星咁惊艳，如果畀得呢个酒店价钱食中菜，我唔会推介呢间嘢，仲有好多好多好多更好味嘅选择，某啲locate喺酒店里面嘅中菜厅绝对好过呢间嘢（both食物质素同埋服务方面）
总结：畀得呢个价钱都会系有啲啲要求嘅人，所以喺度食完餐饭，只记得佢哋啲态度好差，而唔太记得佢哋啲食物，不是一个好经历，证明佢地有极大改善空间
张贴