舍利鮨 (已結業)

喺元朗嘅舍利鮨一間非常出名嘅日本餐廳，好多人都會去嗰度食呢個廚師發板！而我今日我都同朋友一齊去咗個度食晚餐🥣咁我哋去到餐廳，侍應好細心帶咗我哋去一個比較靜既位置度食嘢！我哋坐得好舒服😌亦都可以即場欣賞師父點樣現場整嘢食，好似睇表演錦呀！廚師發板有好多新鮮菜式，有前菜啊燒物啊刺身啊等等，總共有成20幾款！咁多我同朋友食得非常之飽！我地試左時不知，上菜先知原來係野生三文魚刺身！入口有淡淡的清香，而上面仲有點點黑松露嘅味道，兩者夾埋一齊食口感好豐富呀！我哋仲試咗個帆立貝壽司🍣帆立貝唔單止厚身，上面仲有啲竹炭鹽，完全帶晒帆立貝個鮮味出嚟！之後我哋仲食咗個池魚！池魚嘅口感好特別！佢上面加左啲薑蓉，而入邊仲有少少蔥花，咬落去非常清新！當然唔少得嘅仲有個櫻煮八爪魚🐙師父薄薄切咗幾塊，上面加左少少黑松露，同八爪魚夾埋一齊食，味道濃郁，非常好味😋最後一定要提嘅就係呢個海膽杯！海膽份量多都不特上，仲要好creamy！入邊仲有啲松葉蟹肉，兩個夾埋一齊食非常之好食😋食到我同朋友流晒口水！