Cosmos Restaurant & Bar (已結業)

星期一番到香港又要工作又要拍拖食餐好，想饮两啖，又怕伴侣诈型，就紧系要揾间有好嘢食既餐厅，自然所有事都顺顺利利。所以今次系尖沙咀揾到间环境气氛好好既COSMOS一试。当晚主要系拣左两个精选晚餐，前菜系凯撒沙律同蔬菜汤，凯撒沙律新鲜爽口，沙律酱调配得好好。而蔬菜汤足料，满满既番茄味。主菜系鹅肝甘荀蟹肉忌廉汁意大利饭，鹅肝油香好正，蟹肉好足，意大利饭入味有咬口。而茴香烧新西兰羊架，摆碟有心机，主角羊架骚味唔重生熟程度啱啱好，配菜好出色，烧香而唔干又软身。每人一杯餐饮，因为女伴唔饮酒，所以我叫咗杯long island，但我唔记得咗讲我钟意落少啲可乐，不过呢个系我问题，唔关杯嘢事，佢仍然一杯好好饮既long island。最后甜品，个饼底整得非常好，外脆内软，加上雪糕生果，系一个好好尾声。走个时闻到好香既鱿鱼味，感觉会系一个好好既伴酒菜，可惜要走了。