梨泰院 (愉景新城) (已結業)

朋友话来呢间韩式餐厅，一定要多人，点解？因为可以一次过满足口欲，大大嘅满足感！餐厅环境好宽敞，设计上空间感十足，座位舒适，仲可以电子落单，方便快捷。今次我地叫左韩式便当，款式多，一次过满足我地唔同嘅食欲。有炸鸡，韩式紫菜饭卷、沙律、泡菜和糖饼，份量充足，味道好。紫菜饭卷好足料，仲有少少麻油香味，唔会油腻，口感丰富。糖饼都几厚实，中间系红豆蓉，食落有少少肉桂味，但唔算软腍。炸鸡香脆惹味，肉质嫩滑，唔干身，好好食，搞到我地仲加追！正！特别之选就系韩式牛肋条饭，牛肋条软腍入味，肉质口感丰富好味😋汤底好清甜，配料亦好足，有金菇、红白萝卜，青红椒、京葱丝、味道香甜，与白饭绝佳配搭。香辣凤尾虾野菌炒天使面，虾口感弹牙，新鲜好味，野菌同杂菜及多种香料炒一齐，口味更多元化，自然鲜甜惹味！仲有红枣水，好清润，好养生，健康之选！