木船 (已結業)

好彩今日早左放工，7点都未够，都差不多满座.....间餐厅装修唔错，墙上面嘅Gravity我几钟意，仲有中间位置个装饰船望埋去真系好似只木船咁～招牌菠萝炒饭配虎虾 - 个样劲靓，整到同个Menu一模一样，仲好足料。两只虎虾同埋果串烧菠萝烧得好香甜。个炒饭够干身，啲料多到.....鸡肉、肉松、提子干、菠萝肉，劲丰富味道仲有蛋香嘅甜味，正！青木瓜沙律 - 除咗青木瓜丝、花生同埋红萝卜丝，佢仲加咗腰果、车厘茄同新鲜红提子，沙律当堂丰富同fresh过平时街食嘅好多。小食拼盘 - 因为贪心，想试多几款小食，果然无拣错，每款都好好食呀，鱼饼同炸芋头春卷必吃。仲有，呢度嘅青柠梳打同泰式奶茶，坚有诚意。梳打水呢度用返泰国皇室都指定饮嘅Singha，唔系通街都用嘅7喜。泰式奶茶绝对饮得出用嘅系泰国红茶，甜度适中。难得有咁诚意又好味嘅泰国嘢，仲可以坐得舒舒服服，绝对可以encore。