頹飯 (已結業)

中环食饭又贵又多人又迫就系人都知。有时候想悭钱、或者唔想同人迫，唯有系公司挨杯面，真系有苦自己知。同事介绍喺利源东街有一间很受欢迎的外卖店，名字叫「颓饭」，勾起大学读书嘅美好回忆。我叫咗一个招牌煎牛肉饭，要冻咖啡。牛肉系即煎嘅，睇住师傅即场煎真系好放心。女同事要咗一个香煎去骨鸡腿饭，女同事话有好多汁可以拣，唔想食白饭的话，仲可以转意粉。花多眼乱之下，鸡扒配黑椒汁送白饭系最滋味嘅选择。同事要冻柠乐，外卖店将冰同埋柠檬分开上，原罐可乐俾我哋，很贴心。虽然排队的人潮源源不绝，我哋等咗大概10分钟就有得拎，即制嘅外卖来讲算系好快手，有效率。我哋去咗附近一个公园野餐，一打开外卖袋，就闻到好香嘅煎牛肉味，份量仲好多。同事表示佢的鸡扒肉质鲜嫩，口感一流。呢间「颓饭」方便快捷之余又好食，真系好适合我呢啲中环嘅打工仔。