飯後甜品 (已結業)

大埔甜品店选择其实唔多，尤其旧街呢边，所以饭后甜品不嬲系作为大埔友嘅我嘅第一选择。之前都一直有帮衬开，最近转左比较多用外卖速递买。今晚食完饭，想同细佬出去食个糖水倾下计，就去左饭后甜品食。今晚未食生果，所以想试下有生果嘅甜品。自选配对系列：大菜糕+鲜杂果（椰汁底）$38第一眼见到好开心，因为冇预计有咁多生果粒系面。有西瓜、芒果、密瓜同火龙果，都系我钟意食嘅。而大菜糕系已经切左粒粒，有咬口又方便食，一啖可以食到生果同大菜糕，正！细佬就拣返佢成日叫嘅雪糕芒果布甸，因为佢系芒果迷。雪糕芒果布甸 $40上面有大大球芒果雪糕，一啲都唔hea。花奶同芒果布甸不嬲好夹，布甸好滑，仲有大粒香甜芒果。我谂钟意食芒果嘅朋友一定会钟意。最后走之前都叫左个D24榴连西米露外卖俾妈妈，我妈妈超钟意食。D24榴连西米露 （$42+$1外卖）虽然唔算好大碗，但里面真系有一大旧榴连，又系唔系hea 客人，食完一定好满足。我唔敢讲饭后甜品系绝世味道，但一定系又诚意，同埋充满怀念港式糖水味道。