影片
更多
2019-04-02
513 浏览
又系饭后同老公、呀妹嘅甜品时间，次次都系佢地拣，今晚到我提议去太子有五间台式饮品店嘅呢条街。心大心细之下拣左饮呢间//茶乐//，主要系俾佢嘅手作珍珠吸引。佢cashier隔离有个小黑板，写住有紫薯、桂花、焦糖同樱花味嘅珍珠。老公同呀妹都系新鲜派，分别拣左//皇牌琥珀珍珠撞奶//同埋//粒粒芋头鲜奶配手作紫薯珍珠//，我就饮//Double焦糖//。今晚我万岁，条件系我要每杯试一啖，嘻嘻。粒粒芋头鲜奶配手作紫薯珍珠紫薯珍珠嘅浅紫色几靓，食落弹牙唔会太硬，系我钟意嘅质感，紫薯味天然得黎好够味，甜甜嘅鲜奶包裹住细细粒嘅芋头，好绵密。皇牌琥珀珍珠撞奶杯身嘅花纹做得仔细，珍珠份量好多，占差唔多半杯，拎上手系上半部分冻、下半部分暖架。饮前摇匀，白色嘅鲜奶变成米米地色，一饮落去黑糖味香浓，珍珠口感软糯，味道同台湾某名店好相似，我同老公都觉得佢算系香港做得比较出色嘅撞奶。Double焦糖即系焦糖奶茶配手作焦糖珍珠，珍珠系原味白肉珍珠混入焦糖，味道浓郁，加埋本身带有焦糖味嘅奶茶，焦糖fans必叫，我叫左半糖觉得岩岩好，唔减糖可能会太甜。店员态度有礼，仲满面笑容，当时舖头冇乜人，我心大心细拣左好耐佢都冇黑
心大心细之下拣左饮呢间//茶乐//，主要系俾佢嘅手作珍珠吸引。佢cashier隔离有个小黑板，写住有紫薯、桂花、焦糖同樱花味嘅珍珠。
老公同呀妹都系新鲜派，分别拣左//皇牌琥珀珍珠撞奶//同埋//粒粒芋头鲜奶配手作紫薯珍珠//，我就饮//Double焦糖//。今晚我万岁，条件系我要每杯试一啖，嘻嘻。
粒粒芋头鲜奶配手作紫薯珍珠紫薯珍珠嘅浅紫色几靓，食落弹牙唔会太硬，系我钟意嘅质感，紫薯味天然得黎好够味，甜甜嘅鲜奶包裹住细细粒嘅芋头，好绵密。
皇牌琥珀珍珠撞奶杯身嘅花纹做得仔细，珍珠份量好多，占差唔多半杯，拎上手系上半部分冻、下半部分暖架。饮前摇匀，白色嘅鲜奶变成米米地色，一饮落去黑糖味香浓，珍珠口感软糯，味道同台湾某名店好相似，我同老公都觉得佢算系香港做得比较出色嘅撞奶。
Double焦糖即系焦糖奶茶配手作焦糖珍珠，珍珠系原味白肉珍珠混入焦糖，味道浓郁，加埋本身带有焦糖味嘅奶茶，焦糖fans必叫，我叫左半糖觉得岩岩好，唔减糖可能会太甜。
店员态度有礼，仲满面笑容，当时舖头冇乜人，我心大心细拣左好耐佢都冇黑面，仲介绍唔同嘅饮品俾我地，见我种种珍珠都想试，佢仲俾左几粒我最终冇叫嘅桂花味珍珠俾我试。桂花味天然，好似饮紧桂花茶咁，我下次应该会叫杯剩茶加桂花珍珠，慢慢嗒真佢个味。
大部分饮品可以拣中杯／大杯，但鲜奶系列就只有中杯。
张贴
