mr.kanso (已結業)

mr.kanso 是间罐头餐厅酒吧。以「享受罐头与酒」为主题。虽然大家都知道日本仔嘅即食文化好出色，但用罐头作招徕又真系几够姜。今次经友人介绍到来一试。食之前首先要赞吓班店员。佢地招呼周到，好有耐性讲解间餐厅嘅菜式同饮品，以及佢地嘅罐头特别之处。小弟跟店员介绍试左几款菜式：1. 肠仔配黑松露焗薯蓉 - 肠仔同薯蓉都好好味。小弟反而觉得薯蓉太多，用来送酒其实份量可以少一半。2. 蟹膏蟹籽烩饭 - 个饭整到好似 risotto 咁 creamy。 蟹膏好香，店员介绍个蟹膏可以买返屋企，直接捞意粉煮热佢都已经可以好好食同好香。3. 广岛蚝二食 - 店家将广岛蚝罐头分别做出两种菜式用来送酒。一个脆炸比较香口，另一个蒸热左配豆腐较清甜。4. 炸蕃薯条 - 蕃薯条够大条，炸到好香甜，配埋微辣嘅酱汁，好惹味！因为小弟与友人都喜爱清酒。而这里清酒的款式都真系多而且都系比较有品质，亦唔会有典型而滥调嘅獭祭个流。佢地有新政6号、而今、富士荣光、矶自慢等！小弟点左支富士荣光董露威吹，果香丰富带蜜瓜味，收结清爽俐落，好饮！两个人饮一支就啱啱好。店员介绍原来呢度可以俾客人用半价买走清酒。真系超低，有啲仲平过网店