影片
更多
2019-06-19
161 浏览
同屋企人食饭，稳阵啲都系食中式少少嘅。乐天去过几次，心知出品稳定，服务又唔错，最紧要系老人家钟意，佢哋开心先家有宁人，你懂的。综合几次经验，以下呢几款我觉得系一家大细之选。乐天啲老火汤系坚正嘅，冇伏，几款都试过，几款都好足料好正。饮完唔会口渴，唔系味精唔系例水。自己买料煲到差唔多咁钱，仲要洗又要心机，所以通常嚟到乐天，一定叫汤。淮山杞子螺头炖鸡汤，入面系有一只鸡，食汤渣都饱饱地（笑）乐天主打家常小菜但带啲南洋特色，例如呢度会有喇沙个啲嘢食。呢个咕噜肉，就加咗荔枝去炒，几特别。今日啲咕噜肉我觉得就同上次嚟个阵有少少分别，我估系因为突然冇咗活猪供应。少少影响啦，但唔差嘅。荔枝肉用罐头货都好正常嘅，应该仲用埋入面啲糖水去炒，所以好重荔枝味，酸中带甜，真系唔错呀！樱花虾炒四季豆超正！四季豆爽，樱花虾咸香脆口，镬气足，炒起上嚟冇油腻感，而且小朋友又好钟意系度食虾子，小朋友乖乖食大人倾下计又开心啲（你懂的，again）银雪鱼就贵咗少少，咁本身真嘅银雪鱼材料都贵嘅，我明。不过我哋贪佢冇乜骨，老人家同细路仔都食到。佢又真系好好食，煎到表面脆，肉嫩。佢有个甜豉油跟住嘅，我哋叫餐厅另上，因为怕小朋友唔钟意
同屋企人食饭，稳阵啲都系食中式少少嘅。乐天去过几次，心知出品稳定，服务又唔错，最紧要系老人家钟意，佢哋开心先家有宁人，你懂的。综合几次经验，以下呢几款我觉得系一家大细之选。
乐天啲老火汤系坚正嘅，冇伏，几款都试过，几款都好足料好正。饮完唔会口渴，唔系味精唔系例水。自己买料煲到差唔多咁钱，仲要洗又要心机，所以通常嚟到乐天，一定叫汤。淮山杞子螺头炖鸡汤，入面系有一只鸡，食汤渣都饱饱地（笑）
乐天主打家常小菜但带啲南洋特色，例如呢度会有喇沙个啲嘢食。呢个咕噜肉，就加咗荔枝去炒，几特别。今日啲咕噜肉我觉得就同上次嚟个阵有少少分别，我估系因为突然冇咗活猪供应。少少影响啦，但唔差嘅。
荔枝肉用罐头货都好正常嘅，应该仲用埋入面啲糖水去炒，所以好重荔枝味，酸中带甜，真系唔错呀！
樱花虾炒四季豆超正！四季豆爽，樱花虾咸香脆口，镬气足，炒起上嚟冇油腻感，而且小朋友又好钟意系度食虾子，小朋友乖乖食大人倾下计又开心啲（你懂的，again）
银雪鱼就贵咗少少，咁本身真嘅银雪鱼材料都贵嘅，我明。不过我哋贪佢冇乜骨，老人家同细路仔都食到。佢又真系好好食，煎到表面脆，肉嫩。佢有个甜豉油跟住嘅，我哋叫餐厅另上，因为怕小朋友唔钟意。餐厅都好配合我哋嘅要求，服务好好。
呢个三色糕我觉得系必食，卖相靓，又好味，唔系好甜。一层椰汁，一层班兰，一层桂花，好有心机！呢度个餐牌花多眼乱，好多选择，份量仲可以拣大中细，唔错唔错，价钱就当然会比起酒楼贵少少，但合理嘅，都值得推介俾大家！
张贴
