Proton

营业中

休息中

元朗有唔少特色小店，试完哩间西餐，的确值得介绍俾朋友。座位唔多，但坐得舒服，服务亦都好周到，平日lunch室内都坐满，最好订位，亦可以选择坐室外感受另一番风味。Lunch set 好抵食，包沙律🥗/餐汤及餐包🍞，饮品仲可以有半价优惠。南瓜🎃汤十分浓郁，餐包香脆。黑松露烟三文鱼手打意大利面🍝$88手制意粉外型似乌冬，口感好特别，弹牙有蛋香，酱汁配搭合宜，淡淡黑松露又带点油香。蒜烤澳洲西冷扒🐮$148虽然我要七成熟，但一定都唔会韧，保留到肉汁，仲有太阳蛋同薯饼，大满足！。黑松露焗脆薯条🍟$60酥脆香口，赞！👍🏻绿茶Tiramisu🍰$绿茶同Tiramisu嘅配搭都系第一次，原来都几夹。Dirty Coconut🍹有椰子香味又保留到咖啡的香浓，推荐！Rose Strawberry Latte☕好适合女士的咖啡，玫瑰花香加埋士多啤梨嘅甜味，好sweet。下次约朋友都会再来。