852kitchen

营业中

休息中

呢家嘢缩咗去骆驼漆大厦后面一条后巷𠮶度，隔离仲有两间食店。对住开源道摆咗易拉架，见到先会行入去。店前有几张枱坐露天位，如果去大热天时都几难顶，而且后巷仲有阵味……原来行前少少可以上楼上，有冷气嘅地方，三间铺共用一个进食空间。原来系落柯打畀钱后，上楼上坐，佢会送上嚟。全部都系用即弃食具及餐具，有点不环保，不过冇办法，睇嚟佢哋都系主力做外卖。叫咗一个虾汤红薯粉配猪扒，台湾肠(加十元)虾汤好浓郁，好好味！猪扒炸得恰到好处，表面松脆又唔会太多油，价钱都唔算系平，六十几蚊，不过做到应有水准。台湾肠好似冇烧过，就咁摆落汤里面烚熟，咁样做法真系唔得！另一个系牛展捞红薯粉。牛展好淋，都非常好食。另外叫咗牛肉角25蚊一只，老婆就话冇乜牛肉味。我自己就觉得ok，不过有少少偏贵啰。两个餐都包括纸包饮品一盒。 餐牌上面另外见到有焗猪扒饭，好多人话好食，都想试下。又有锡纸兜嘅煲仔饭，下次都会再嚟一试。