影片
更多
2009-12-16
40 浏览
虽然这间餐厅位于天后的车房堆, 而且并不容易揾到, 但为左一试前酒店法国菜大厨的手势, 特意订位试一下佢的晚餐, 餐厅有著古典的装潢,有大概7-8张台, 但估唔到当晚竟然有5张台的客人, 比起之前食友所讲的冷清情况好好多, 我想系有点成绩吧, 真系可喜可贺!! 人手不多, 只有大厨jacky, 厨房助手同waitress三位员工我叫左一个以法式油鸭为主菜的晚餐($328), 首先上一篮蒜蓉包, 一片片的法包涂上蒜蓉牛油再焗到热烘烘, 怎么会唔好食??!!第一头盘系香煎肥鹅肝, 鹅肝的size颇为大片, 厚度一般, 配上用陈醋调教成的酱汁, 酸酸甜甜的, 可减轻鹅肝油腻感, 而且咬下去有入口即溶的感觉, 味道浓郁, 配法包食最正, 可惜个面煎得不够香脆, 而沙律配菜一d都唔失礼, 有生菜, 橙, 西柚等, 配自制汁醋食得好开胃架!接著奉上的系龙虾汤, 一睇颜色便知对办了, 用龙虾壳素的橙红色, 上台时下了少许忌廉增加香滑程度, 饮落去有浓浓的龙虾壳味, 加上可能下了很少很少的干邑酒, 令其鲜味更加提升了不少, 而且每碗都有几旧爽口的龙虾肉, yummy yummy!!第二头盘系菠菜芝士焗
我叫左一个以法式油鸭为主菜的晚餐($328), 首先上一篮蒜蓉包, 一片片的法包涂上蒜蓉牛油再焗到热烘烘, 怎么会唔好食??!!
第一头盘系香煎肥鹅肝, 鹅肝的size颇为大片, 厚度一般, 配上用陈醋调教成的酱汁, 酸酸甜甜的, 可减轻鹅肝油腻感, 而且咬下去有入口即溶的感觉, 味道浓郁, 配法包食最正, 可惜个面煎得不够香脆, 而沙律配菜一d都唔失礼, 有生菜, 橙, 西柚等, 配自制汁醋食得好开胃架!
接著奉上的系龙虾汤, 一睇颜色便知对办了, 用龙虾壳素的橙红色, 上台时下了少许忌廉增加香滑程度, 饮落去有浓浓的龙虾壳味, 加上可能下了很少很少的干邑酒, 令其鲜味更加提升了不少, 而且每碗都有几旧爽口的龙虾肉, yummy yummy!!
第二头盘系菠菜芝士焗美国生蚝, 有好多的菠菜, 但芝士味道唔系太浓, 而且个面焗得唔够㶶,几唔好睇呢??!! 用的美国生蚝固然鲜味同大只, 但都好难避免焗完后会缩到好小了, 我自己食过一d餐厅的焗蚝食法系可以唔需要焗至全熟, 大概7-8成熟, 而的菠菜芝士蓉面头加上少许面包糠, 那么焗出来个样又好睇, 生蚝又唔会缩水很多, 而且还食到蚝的新鲜味道...
到主菜时间, 系法式焗油鸭(duck confit), 呢个系一个传统的法国菜, 一般系用鸭腿用盬腌和其本身的油浸住, 然后放在雪柜2-3日, 到食的时侯再低温慢煮把油煮溶, 跟住才煎或焗至金黄脆皮, 估唔到大厨还肯花时间去弄这个心机菜, 而且仲有2只鸭腿, 绝不欺场, 咬落去肉质松化, 有少少油腻同味道咸香, 完全系以上腌制程序弄得好的结果, 配上大厨自制的芥末子的酱汁, 食完已经饱得好紧要了!!
甜品我选择左这里出名即焗的姜味梳乎里, 食落去颇为软熟, 蛋白味浓, 唔太甜, 而waitress将佢笃穿加入姜汁, 但姜汁比较淡味, 早知叫朱古力味啦, 对于出名的姜味梳乎里真系有点失望!! 而太座叫的tirmasu就更加失策, 一望落去觉得应该系来货而唔系home made, 虽然望落去有手指饼, 但芝士, 酒味, 咖啡味皆十分不済, 我想甜品方面真系比较弱的一环, jacky要谂谂计啦!!
最后以柠檬茶作结, 整体上虽然未能做到尽善尽美, 亦有很多地方需要改善, 相信未来仍有进步空间, 其实此小店真系有诚意同用心制作, 大厨jacky功力深厚, 值得一试!! HSBC同DBS信用卡仲免加一添!!
张贴
