Panda Burger (已結業)

周末同男友嚟午餐, 去到刚好好位, 所以好快就入座之后出面就开始有人等位, 而且陆续都有好多叫外卖嘅人。我照旧叫左羊堡餐配沙律。男友就叫左流心蛋carbonara set再另加薯条先上系沙律, 好新鲜, 酱汁亦好味, 酸酸地。再嚟就系嘅carbonara, 男友话ok 唔错, 我试咗一啖, 都觉得几好味, 但唔算好特出。食食吓, 我个羊堡都嚟啦, 不过今次外层煎得太㶶, 冇第一次咁好食, 而且热度都唔系好够, 但都好食!之后薯条都嚟埋, 不得不赞个薯条真系好好味, 外脆内软, 热辣辣, 仲好香薯仔味~!食饱正餐之后, 当然要医埋食甜品个胃啦上次食过苹果金宝批, 好好味, 今次想翻兜, 可惜卖哂~!所以叫咗个banoffee pie, share食,唔食由自可, 一食不得了! 好好好好好味~!上面嘅 custard cream 好滑, 入面仲有好多香蕉, 下层应该系toffee酱, 成个配搭非常之好~!所以我哋食到一半, 我忍唔住叫多一份, 然后同男朋友一人一件, 再加上一杯flat white, perfect!食到好食嘅食物真系会令人心情愉快一整日!