Press Enter (已結業)

太耐无写食评喇，成日谂住之后有时间先写，最后又无左件事。香港地生活实在太急速，头先睇到小店menu 解释店名Press Enter，意思大概系话用电脑时想做任何事情，就一定要按Enter 先可以完成，就如人生所有事情想做，但唔按下Enter 都只会得个想字，喜欢这小店既概念，令我谂起每次都只系想写，就不如按下Enter开始写。先讲返店既位置，大角咀太多好食既小店，平时会去开食车仔面，但成班朋友食饭，真系等唔到位，又唔想大热天时打边炉，就去左后一条街揾到呢间餐厅。只怪一路挂住影个menu封面，唔记得影入面。所以好多菜名都唔记得正确叫咩😂😂。总结成餐都好满意，食物环境都唔错！希望下次黎都可以保持水准！