海宴樓 (已結業)

今天跟老公、女儿和妈妈一行四人到朋友推介开业不久的新酒楼试吓，除了地点超方便之外、酒楼环境仍相当唔错，起码唔会好嘈，慢慢食慢慢倾都得。另外，想提吓佢哋用的食材都好得，食物不会太油腻也不会太甜，食得出碟碟都是诚意之作。首推招牌孖宝 - 清蒸野生黄脚立2条＋白切鸡半只$88，两条鱼一食就知系海鱼，好新鲜，另外只鸡都好嫩口，水准唔错，超抵食！另一必食是农家炆猪手，个汁超正，猪手炆得好软，送饭一流！峇门野生青口煮法也相富有创意，啲青口好新鲜，用清酒煮，加埋啲粉丝入口，无得顶！呀女食中菜每次都要点菜心炒牛肉，哗！真系出乎意料的超好食，啲牛肉食翻以前的镬气感，牛肉新鲜，菜心爽脆，一试难忘。下次多啲人可多试几味，见隔离枱的白肺汤、红酒烩牛尾、手打墨鱼丸等都相当唔错。最后食埋免费送的红荳沙糖水，好饱好满足，埋单连啤酒都系$500几，咁嘅地区一啲都唔贵，重好饱好满足，听说下午飮茶㸃心都好抵食，一定会再帮衬。