囍囍 (已結業)

同事圣诞聚会,安排咗囍囍食饭, 地方十分方便就系未来地铁出口,好彩订咗枱因为外面已经有人等位因为自己摆咗酒,老板第一时间帮我地雪好支白酒，再帮我地开埋支红酒breathing 值得一赞 首先系送酒前菜，分别系脆皮豆腐同芥末黑木耳淸新可口特别适合送酒!再来红烧龙趸尾煲，火候一流,鱼味鲜甜老板推介四川水煮牛肉，配料全部都系大厨秘密配方特别适合香港人口味唔少得香港人最爱嘅小炒咕噜肉，色彩丰富外皮脆卟卟，肉汁全部系肉里面仲有南乳炸鸡，只鸡仲系新鲜鸡，南乳味道恰到好处，香脆可口。仲有全晚嘅精华所在就系师傅亲手炒嘅生炒糯米饭。听讲呢个𩠌大厨每晚限定制作，因为炒到手软。啲饭软硬适中，味道恰当绝对食到大厨嘅心机最后仲叫咗啫啫生菜煲，同埋少甜嘅蜜糖鸡翼.绝对唔系画蛇添足!呢晚嘅食物绝对系一流，听老板讲大全厨外流欧洲多年，又系香港不少大酒店有唔少经验，所以水准十分稳定！咁岩当晚「东张西望」亦都有介绍佢地间铺头。同事大家十分尽兴,回味无穷，老板殷勤招呼怪不得客似云来！