影片
更多
2022-10-15
574 浏览
今日去西营盘探朋友，回程时路经水街，见到有间自家制手作芋圆店，有人话想试，反正我也有点肚饿，就一于入去食个甜品当下午茶。餐牌很简单，主打芋圆甜品，共有 8 款可供选择，另外玻璃柜入面亦放满了糯米糍同冷泡茶等，可作堂食或外卖之用。我哋拣咗几款糖水同糯米糍，餐厅设有楼上雅座，食点完食物后就可以上楼上坐低，店员会随后把食物送上。先嚟碗传统仙草芋圆 ($40)，睇下用料几丰富，除咗芋圆、番薯圆、紫薯圆外，仲有仙草、红豆、薏米、白玉、黑糖珍珠同大大粒嘅丸子，阵容非常鼎盛。芋圆烟韧有咬口；仙草浓郁丝滑、入口即化。红豆煮至软身，带自然香甜；薏米软腍不烂；而黑糖珍珠亦Q弹有口感，配上甜而不腻嘅黑糖汁，美味！另外呢碗爱文芒甘露芋圆 ($50) 用料亦唔手软，以杨枝甘露做底，再配上芋圆同台湾直送嘅爱文芒。芒果肉味道十分香甜，金沙柚肉微酸清新，加埋用芒果肉搅碎而成嘅芒果汁，啖啖滋味。至于呢碗黑糖姜汁汤圆芋圆 ($42) 味道亦唔错，汤圆选用了黑芝麻做馅，外皮厚薄适中，够滑身又烟韧，咬开仲有澎湃流心，正。姜汁辣度适中，入口不呛，加上烟韧嘅芋圆，口感层次丰富。糯米糍有好多款唔同口味，今次就拣咗芒果、紫薯同朱
今日去西营盘探朋友，回程时路经水街，见到有间自家制手作芋圆店，有人话想试，反正我也有点肚饿，就一于入去食个甜品当下午茶。
餐牌很简单，主打芋圆甜品，共有 8 款可供选择，另外玻璃柜入面亦放满了糯米糍同冷泡茶等，可作堂食或外卖之用。
我哋拣咗几款糖水同糯米糍，餐厅设有楼上雅座，食点完食物后就可以上楼上坐低，店员会随后把食物送上。
先嚟碗传统仙草芋圆 ($40)，睇下用料几丰富，除咗芋圆、番薯圆、紫薯圆外，仲有仙草、红豆、薏米、白玉、黑糖珍珠同大大粒嘅丸子，阵容非常鼎盛。
芋圆烟韧有咬口；仙草浓郁丝滑、入口即化。红豆煮至软身，带自然香甜；薏米软腍不烂；而黑糖珍珠亦Q弹有口感，配上甜而不腻嘅黑糖汁，美味！
另外呢碗爱文芒甘露芋圆 ($50) 用料亦唔手软，以杨枝甘露做底，再配上芋圆同台湾直送嘅爱文芒。芒果肉味道十分香甜，金沙柚肉微酸清新，加埋用芒果肉搅碎而成嘅芒果汁，啖啖滋味。
至于呢碗黑糖姜汁汤圆芋圆 ($42) 味道亦唔错，汤圆选用了黑芝麻做馅，外皮厚薄适中，够滑身又烟韧，咬开仲有澎湃流心，正。姜汁辣度适中，入口不呛，加上烟韧嘅芋圆，口感层次丰富。
糯米糍有好多款唔同口味，今次就拣咗芒果、紫薯同朱古力，每款一件。几款糯米糍都做得颇有水准，糯米皮够薄够烟韧，芒果馅清甜多汁、紫薯绵密又细滑、而朱古力咬下会吃到半流心效果，食完真系超满足！
张贴
